«Wolfenstein» — камп’ютарная гульня, фантастычны шутар ад першай асобы, распрацаваны амерыканскай кампаніяй «Raven Software» сумесна з кампаніямі «id Software», «Pi Studios», «Endrant Studios» і выдадзены кампаніяй «Activision». Wolfenstein з’яўляецца сіквелам гульні «Return to Castle Wolfenstein» 2001 года выпуску і выкарыстоўвае гульнявы рухавічок «id Tech 4». Гульня была выпушчаная для платформаў ПК, «Xbox 360» і «PlayStation 3». Выхад гульні адбыўся 18 жніўня 2009 года ў Паўночнай Амерыцы, 19 жніўня ў Аўстраліі і 21 жніўня ў Еўропе. У сэрвісе лічбавай дыстрыбуцыі «Steam» гульня з’явілася 13 кастрычніка 2009 года.
Гуляючы за агента, гульцу прыйдзецца ваяваць з салдатамі, замагільнымі істотамі і монстрамі, створанымі нацысцкімі вучонымі. Гулец таксама можа з дапамогай медальёна перамяшчацца ў паралельнае вымярэнне, у якім няма ценяў і ўсё мае зелянява-блакітнаватае адценне. Гульцу прыйдзецца яго даследаваць, а таксама разам з саюзнікамі знішчыць нацысцкую ваенную машыну. У гульні ёсць як і звычайнае зброю, так і «звышнатуральная». Wolfenstein дае розны асартымент місій, звязаных паміж сабой.
Медальён, акрамя забеспячэння магчымасці перанясення ў паралельнае вымярэнне, таксама па ходзе гульні набывае новыя ўласцівасці: запаволенне часу, энергетычны «шчыт», які адбівае стрэлы ворагаў, і «супермагутнасць», якая павялічвае сілу стрэлаў у некалькі разоў.
У Wolfenstein ёсць мультыплэер з падзелам на 3 класы: салдат, інжынер і медык. Салдат можа кідаць выбухоўку з дыстанцыйным выбухоўнікам, выкарыстоўваць цяжкую зброю і «удар цені», падобны па прынцыпе дзеяння да гранаты. Медык можа лячыць і ажыўляць іншых салдат. Інжынер можа хутка бегаць, мінаваць/размініраваць пабудовы, будаваць абарончыя будынкі і раздаваць патроны.
Сюжэт гульні Wolfenstein створана па матывах міфаў пра нацысцкі акультызм ў альтэрнатыўнай гісторыі: дзеянні гульні адбываюцца падчас Другой сусветнай вайны ў горадзе Айзенштат, дзе прысутнічае магія і таямнічыя артэфакты старажытных міфічных цывілізацый.
Па сюжэце гульні БіДжэй Блазкавіч (англ.: BJ Blazkowicz), амерыканскі агент OSA, нязменны галоўны герой і пратаганіста ўсіх гульняў серыі Wolfenstein, праводзіць дыверсію на нацысцкім лінкоры «Тырпіц», які меў намер запусціць на Лондан стратэгічныя ракеты. На лінкоры Блазкавіч скарыстаўся таямнічым магічным тулійскім медальёнам, магічным артэфактам, які стварыў на кароткі час вакол Блазкавіча сілавое поле. Знішчыўшы Тырпіц, Блазкавіч вярнуўся на базу OSA, аднак адразу пасля гэтага адправіўся на наступнае заданне ў Айзенштат. Менавіта з прыбыцця на цягніку ў Айзенштат і пачынаецца непасрэдна гульнявы працэс.
Сюжэт гульні пераклікаецца з сюжэтам іншых гульняў серыі. Напрыклад, фінальны бос Wolfenstein, Ханс Грос, таксама з’яўляецца першым босам у гульні Wolfenstein 3D.
Wolfenstein выкарыстоўвае гульнявы рухавічок id Tech 4, які быў распрацаваны кампаніяй id Software і ўпершыню выкарыстоўваўся ў шутары Doom 3 2004 года выпуску. У Wolfenstein выкарыстоўваецца апошняя версія id Tech 4, папярэдняя выкарыстоўвалася ў Enemy Territory: Quake Wars. У адрозненне ад яе, у версіі рухавічка для Wolfenstein былі дададзеныя эфекты глыбіні рэзкасці, мяккія цені, розныя эфекты пост-працэсінгу, фізічны рухавічок Havok, новыя шэйдары.[1]
Wolfenstein з’яўляецца першай гульнёй ад id Software, якая не была выпушчаная пад Linux і не плануецца да выпуску для яго. Цімаці Бесет (англ.) (англ.: Timothee Besset), супрацоўнік id Software, які займаецца партаваннем яе гульняў на Linux, заявіў: «Наўрад ці новая гульня Wolfenstein будзе выпушчаная пад Linux. Для гэтага нічога не рабілася ў кампаніі, і я не прымаў ніякага ўдзелу ў праекце».[2]
Упершыню гульня была анансавана ў 2004 годзе падчас інтэрв’ю Тода Холенсхеда каналу TechTV.[3]
16 сакавіка 2009 ў інтэрнэт патрапіла некалькі дзесяткаў скрыншотаў гульні, аднак кампанія Activision не пацвердзіла іх аўтэнтычнасць.[4][5]
21 сакавіка 2009 выйшаў першы гульнявы ролік да гульні, у якім быў паказаны геймплэй.[6][7][8]
Часопіс «Гульняманія» нягледзячы на тое, што гэта «класічная B-movie, гульня другога гатунку…» паставіў Wolfenstein 8 з 10 балаў і падводзячы вынікі 2009 года адзначыў яе ўзнагародай «B-movie» года".[9]