«Pick Me Up» (англ.: «Завядзі мяне») – самотнік беларускага рок-гурта «Jitters», запісаны на студыі Вячаслава Банкевіча ў Баранавічах і самастойна выдадзены 1 чэрвеня 2006 года[1]. Усе спевы напісаны Канстанцінам Карманам на англійскай мове. Прэзентацыя міні-кружэлкі прайшла 25 кастрычніка 2006 года ў мінскім клубе «ЁЁ»[2][3][4]. У 2007 годзе самотнік быў перавыдадзены як частка спліт-альбома «Split Before, Together Now» гуртоў «Hair Peace Salon» і «Jitters».
СЛЭП, аўтар партала «Xlam.by», у станоўчай рэцэнзіі на «міні-альбом ці максі-сінгл» адзначыў, што «альбом роўны па якасці музычнага матэрыялу, цэльны па настрою, з парай безумоўных гітоў» і ён перадае «сучасны гук рок-н-ролу»[5].
Музыку «Jitters» у рэцэнзіі альбома «Split Before, Together Now» Таццяна Заміроўская з «БелГазеты» апісала словамі: «назойлівая, аўтэнтычная і па-блюзаваму шалапутная — у ёй прысутнічае неўтаймаваная танцавальнасць, як у „Gomez(англ.) бел.“ і „Happy Mondays(англ.) бел.“, і начыста адсутнічаюць пафасныя рэфлексіі»[6]. Гарэзнасць і танцавальнасць гітарнага рока «Jitters» ацаніла і Алена Сабалеўская з «Музыкальнай газеты», на старонках якой яна параўнала музыку гурта з творчасцю «Travis(руск.) бел.», «Radiohead», «Muse(бел. (тар.)) бел.“», «Blur(руск.) бел.» ды «Coldplay»[7].
№ | Назва | Словы | Музыка | Працягласць |
---|---|---|---|---|
1. | «Pick-Me-Up» | Канстанцін Карман | Канстанцін Карман | 3:47 |
2. | «Staggering» | Канстанцін Карман | Канстанцін Карман | 4:23 |
3. | «Sapphire» | Канстанцін Карман | Канстанцін Карман | 4:13 |
4. | «Dint» | Канстанцін Карман | Канстанцін Карман | 3:06 |
5. | «Pixies» | Канстанцін Карман | Канстанцін Карман | 3:15 |
Вытворчасць:
|