Oncorhynchus tshawytscha — найбуйнейшы від ціхаакіянскіх ласосяў. Шырока распаўсюджаны назвы чавы́ча (ад руск.: чавыча, паходзіць з мовы іцельменаў[1]) і чыну́к (англ.: chinook у ЗША і Канадзе[2]).
Спіна, спінны і хваставы плаўнікі пакрыты дробнымі колападобнымі чорнымі плямамі. Ад іншых ласосяў адрозніваецца вялікім лікам (больш 15) шчэлепных пялёсткаў. Характэрны чорныя дзёсны на ніжняй сківіцы, дробныя цёмныя плямы пакрываюць не толькі спіну і хваставое сцябло, але і абедзве лопасці хваставога плаўніка[3]. У самца падчас нерасту колер цямнее, з’яўляюцца чырвоныя пляміны.
Вага дарослай рыбіны — ад 4,5 кг да 61,23 кг.[4]
Пашырана ў паўночнай частцы Ціхага акіяна паміж заходнім узбярэжжам ЗША і паўночнымі Японскімі астравамі, Курыламі, Камчаткай, прэсных вадаёмах Брытанскай Калумбіі, штата Вашынгтон, басейнах рэк Амур і Анадыр[5].
Папулярны аб’ект прамысловага і спартыўнага рыбалоўства. У ЗША вырошчваецца ў аквакультуры[6]. У ежу выкарыстоўваюцца багатыя пратэінам мяса і ікра.