«Ambassador 21» – беларускі хардкор-панк-гурт з Мінску, заснаваны Наталляй і Аляксеем Пратасавымі ў 2001 годзе. З канца 2000-х гадоў базіруецца ў Празе[7][8].
Наталля і Аляксей Пратасавы з падлеткавых гадоў прымалі ўдзел у мясцовых панк-гуртах[9]. Пасля этапу працы дыджэямі на радыё яны вырашылі засяродзіцца выключна на музыцы[10]. У 2001 годзе разам з Яўгенам Рагозіным з гурта «Stereonoize Gallery» быў створаны гурт «Ambassador 21», першы рэліз якога «God Save The Tzar» убачыў свет у верасні, на наступны год – свой лэйбл «Invasion Wreck Chords» (перайменаваны ў «Invasion» у 2009 годзе). У 2004 годзе склад узмацняе іспанскі гітарыст J. aka CRTLer, які супрацоўнічаў з гуртом, пакуль сам не сышоў са сцэны ў 2009 годзе[9][11].
«Ambassador 21» выпусціў больш за два тузіна альбомаў і самотнікаў, і, акрамя «Invasion», супрацоўнічаў з лэйбламі «Metropolis Records(укр.) бел.», «Hands», «Ant-Zen(руск.) бел.», «Pflichtkauf», «Audiotrauma», «Out of Line(літ.) бел.», «PRSPCT», «Industrial Strength», «Vendetta Music» і інш.
Геаграфія гастроляў з 2003 года ўключае ўдзел ў фестывалях: «M’era Luna Festival», «Wave-Gotik-Treffen(польск.) бел.», «Kinetik Festival(англ.) бел.», «Maschinenfest(англ.) бел.», «E-tropolis»,«Forms Of Hands»,«PRSPCT XL», «PRSPCT RVLT», «Baroeg Open Air(гал.) бел.», «Castle Party(польск.) бел.» ды інш. – і мноства канцэртаў па ўсёй Еўропе.
У 2007 годзе Зміцер Падбярэзскі ахарактарызаваў стыль гурта як сумесь індастрыялу, брэйккору(бел. (тар.)) бел. і паўэр-нойзу(укр.) бел.[9].
У 2010 годзе на прыкладзе альбома «Power Rage» Яніс Стундыньш пачуў у музыцы імітацыю гуртоў індастрыялу «Ministry(укр.) бел.», «Pain» і «Orgy(польск.) бел.»[12].
У 2020 годзе на прыкладзе альбома «Human Rage» Арцемій Троіцкі(руск.) бел. адзначыў «бескампрамісны індастрыял/нойз/метал з лютымі англамоўнымі тэкстамі»[7].
|
|