Pain (бел. Боль) — шведскі музычны гурт, які грае ў стылі індастрыял-метал з элементамі электроннай музыкі і тэхна. Адзіным пастаянным удзельнікам гурта з’яўляецца Петэр Тэктгрэн, стваральнік мелодык дэз-метал гурта Hypocrisy.
Гурт дэбютаваў на сцэне ў 1997 годзе, і з тых часоў выпусціў сем студыйных альбомаў і 2 DVD. Пачынаючы ад другога, усе альбомы Pain станавіліся вядучымі ў шведскіх чартах.
У 2008 калектыў падарожнічаў разам з фінскім рок-гуртам Nightwish. На працягу гэтага тура, вакаліст Петэр Тэктгрэн, ударнік Дэвід Волін і басіст Ёхан Гусгафвель падвергліся нападу з боку ўзброенай групы ў Лейпцыгу. Тэктрэну нанеслі 10 шнараў на твар, Волін атрымаў сатрасенне мозгу, а Гусгафвелю разбілі нос.
Pain далучыўся да Nightwish ў другой частцы тура ў падтрымку альбома Dark Passion Play разам з фінскім поп-рок гуртам Indica, пачынаючы ад першага канцэрта ў Лондане 11 сакавіка 2009 года. Таксама яны далучыліся да тура ў падтрымку альбома Imaginaerum, які пачаўся ў лістападзе 2012 года.
3 чэрвеня 2011 г. Pain выпусціў свой сёмы альбом You Only Live Twice на лэйбле Nuclear Blast.