У Вікіпедыі ёсць артыкулы пра іншых асоб з прозвішчам Лаянс.
Юджын Лаянс (англ.: Eugene Lyons, руск.: Юджин Лаонс, Евгений Лайонс; 1 ліпеня 1898, в. Узляны, Ігуменскі павет, Мінская губерня (цяпер Пухавіцкі раён, Мінская вобласць) — 7 студзеня 1985) — амерыканскі празаік , журналіст, перакладчык.
У 1907 годзе разам з бацькамі эміграваў у ЗША. Вучыўся ў Калумбійскім універсітэце. Працаваў журналістам, у 1920 годзе працаваў у Неапалі (Італія), дзе, зацікаўлены справай у дачыненні да італа-амерыканскіх анархістаў Сака і Ванцэці, сабраў матэрыял наведаўшы роднае сяло Сака. У Італіі Лаянс наведаў пасольства СССР і прапанаваў свае паслугі як сувязніка, але быў арыштаваны італьянскай паліцыяй і высланы ва Францыю.
Вярнуўшыся ў ЗША правёў 1921-22 гады ў Бостане, працуючы ў абарону Сака і Ванцэці, часта наведваў іх у турме.
У канцы 1922 года стаў рэдактарам ілюстраванага выдання «Soviet Russia Pictorial», які выдаваўся таварыствам «Сябры Савецкай Расіі», звязаным з тады нелегальнай Кампартыяй ЗША. Пасля закрыцця часопіса стаў карэспандэнтам бюро ТАСС (1924-27).