wd wp Пошук:
    ⬜

    Шон Пен

    Шон Джасцін Пен (англ.: Sean Justin Penn; нар. 17 жніўня 1960) — амерыканскі кінарэжысёр і акцёр

    , сцэнарыст. Лаўрэат прэміі «Оскар» за галоўныя ролі ў фільмах «Таямнічая рака» і «Харві Мілк». Адзін з самых тытулаваных акцёраў сучаснасці, прызёр трох найбуйнейшых кінафестываляў свету — Канскага, Венецыянскага (двойчы) і Берлінскага.

    Біяграфія

    Шон Пен на Канскім кінафестывалі, 1997
    год

    Шон Пен нарадзіўся 17 жніўня 1960 года ў горадзе Санта-Моніка (штат Каліфорнія) у сям’і рэжысёра Леа Пена і актрысы Айлін Раян. Бацькі яго бацькі, Леа Пена (Leo Z. Penn, 1921—1998), былі яўрэйскімі імігрантамі з Віленскай губерні,[4] якія прыехалі ў ЗША ў 1898 і 1914 гадах.[5][6][7] Маці Шона — Айлін Раян (Eileen Ryan, народжанай Анучы, нар. 1928) — каталічка італьянскага і ірландскага паходжання. Пен выхоўваўся ў свецкай сям’і і з’яўляецца агностыкам.[8][9] У школе Пен вучыўся з Эміліа Эстэвесам, Чарлі Шынам і Робам Лоу, якія пасля сталі акцёрамі. Яго малодшы брат, Крыс Пен, таксама стаў акцёрам.

    У 19 гадоў Пен пераязджае ў Нью-Ёрк. Сваю кінакар’еру пачаткаў са здымак у тэлесерыялах. Упершыню зняўся ў кіно ў 1981 годзе ў карціне «Адбой» («Кадэты») (Taps), дзе разам з ім ігралі Том Круз і Цімаці Хатан. Атрымаў вядомасць пасля выканання ролі ў камедыі «Хуткія змены ў школе Рыджмант-Хай» (Fast Times at Ridgemont High, 1982). Яшчэ большую папулярнасць ён набыў, сыграўшы ролі ў фільмах «Дрэнныя хлопцы» (Bad Boys, 1983) і «Агенты Сокал і Снегавік» (The Falcon and the Snowman, 1985), у апошнім ізноў сыграў разам з Т. Хатанам.

    У 1985 годзе ўвагу СМІ прыцягнула яго жаніцьба з поп-спявачкай Мадоннай. З ёю ён сыграў у «Шанхайскім сюрпрызы», які лічыцца адным з яго самых няўдалых фільмаў. У 1989 годзе іх шлюб распаўся.

    У 1991 годзе Пен дэбютаваў як рэжысёр, паставіўшы па ўласным сцэнарыі фільм «Беглы індзеец». У 1995 годзе ён сыграў у драме Ціма Робінса «Мярцвяк ідзе» са С’юзан Сарандан, за ролю ў якой атрымаў намінацыю на «Оскар» і «Сярэбраны мядзведзь» 46-га Берлінскага кінафестывалю. Іншым фільмам, дзе ён выступіў як рэжысёр стаў «Паставы на скрыжаванні» з Джэкам Нікалсанам у галоўнай ролі.

    У 1996 годзе Пен ажаніўся з актрысай Робін Райт, з якой пазнаёміўся падчас здымак фільма «Стан раз’юшанасці» (1990). У 1997 годзе ён іграе ў фільмах «Паварот» Олівера Стоўна і Дэвіда Фінчэра «Гульня».

    У 1997 годзе Пен атрымаў прэмію як лепшы акцёр на Канскім кінафестывалі за ролю ў фільме Ніка Касавеціса «Яна цудоўная». З ім іграла яго жонка, Робін Райт, і Джон Траволта. У 1999 годзе Пен атрымаў другую намінацыю на «Оскар» за ролю ў фільме Вудзі Алена «Салодкі і гадкі».

    У 2003 годзе атрымаў прыз Венецыянскага кінафестывалю Кубак Вольпі за лепшую мужчынскую ролю за ролю ў фільме «21 грам».

    У маі 2010 года быў асуджаны на 3 годы ўмоўна за збіваццё журналіста[10] (інцыдэнт адбыўся ў кастрычніку 2009 года).

    Грамадская дзейнасць

    З экс-жонкай Робін Райт

    18 кастрычніка 2002 года Пен заплаціў 56 000 долараў за публікацыю адкрытага ліста да Джорджа Буша ў газеце The Washington Post[11]. У лісце, апублікаваным на правах рэкламы, Пен раскрытыкаваў амерыканскую палітыку ў дачыненні да Ірака. У снежні 2002 года Пен наведаў Ірак. Падчас трохдзённага візіту ён наведаў шпіталь Багдада, дзе знаходзяцца дзеці — ахвяры амерыканскіх санкцый супраць Ірака, сустрэўся з віцэ-прэм’ерам Тарыкам Азізам і міністрам аховы здароўя.

    У чэрвені 2005 года Пен наведаў Іран у якасці карэспандэнта газеты San Francisco Chronicle, дзе сустрэўся з іранскімі дзеячамі культуры ў Музеі кінематаграфіі Тэгерана[12]. Пен падрыхтаваў рэпартаж пра ход прэзідэнцкіх выбараў і іранскую ядзерную праграму, наведаў мячэць і Тэгеранскі ўніверсітэт, сустрэўся з сынам былога прэзідэнта Ірана Алі Акбара Хашэмі Рафсанджані.

    У верасні 2005 года Пен асабіста ўдзельнічаў у аказанні дапамогі ахвярам урагану «Катрына» ў Новым Арлеане.

    У перыяд з верасня па кастрычнік 2011 Шон Пен здзейсніў тур паводле краін «арабскай вясны». У прыватнасці, ён наведаў Егіпет і Лівію, дзе заявіў, што ўражаны адвагай паўстанцаў.[13]

    Фільмаграфія

    Акцёр

    Рэжысёр

    Узнагароды і намінацыі

    Узнагароды

    Намінацыі

    Зноскі

    1. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #129660833 // Агульны нарматыўны кантроль — 2012—2016. Праверана 13 жніўня 2015.
    2. ↑ Sean Penn // SNAC — 2010. Праверана 9 кастрычніка 2017.
    3. ↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #129660833 // Агульны нарматыўны кантроль — 2012—2016. Праверана 10 снежня 2014.
    4. ↑ Генеалогія на партале Ancestry
    5. ↑ Генеалогія сям’і Пэн (Пен): Дзед акцёра — Мойша Пінан (Марыс Даніэл Пэн, 1897—1981) — эміграваў у ЗША ў 1914 годзе з Мерачы Віленскай губерні; бабуля — Лея (Элізабет Мэрыян) Мелінкаў, 1895—?) — эмігравала з бацькамі ў 1898 годзе.
    6. ↑ Dead Myth Walking Архівавана 6 кастрычніка 2013.
    7. ↑ Келли, Ричард Т., «Шон Пенн, Жизнь и времена», 2004 год. С. 9-10. ISBN 1-84195-623-6
    8. ↑ Яўрэі — узнагароджаныя ў намінацыі Оскара Архівавана 3 сакавіка 2010.
    9. ↑ Шон Пен — атэіст Архівавана 14 чэрвеня 2011.
    10. ↑ Акцёр Шон Пен атрымаў тры гады ўмоўна за напад на папарацы — РІА Навіны, 13 мая 2010
    11. ↑ Sean Penn’s Open Letter to Bush in Washington Post Архівавана 28 верасня 2007. (англ.)
    12. ↑ П. Кортунов. Шон Пенн из Ирана // Интересное кино, 1 сентября 2005 года Архівавана 30 верасня 2007.
    13. ↑ Euronews: Родны горад Кадафі амаль узяты Архівавана 26 студзеня 2012.

    Спасылкі

    Тэмы гэтай старонкі (20):
    Катэгорыя·Нарадзіліся ў 1960 годзе
    Катэгорыя·Сцэнарысты паводле алфавіта
    Катэгорыя·Лаўрэаты прэміі «Оскар»
    Катэгорыя·Лаўрэаты прэміі «Кубак Вальпі»
    Катэгорыя·Кінарэжысёры паводле алфавіта
    Катэгорыя·Лаўрэаты прэміі «Залаты глобус»
    Катэгорыя·Асобы
    Катэгорыя·Нарадзіліся ў акрузе Лос-Анджэлес
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Сцэнарысты ЗША
    Катэгорыя·Вікіпедыя·Біяграфіі сучаснікаў
    Катэгорыя·Акцёры паводле алфавіта
    Катэгорыя·Акцёры ЗША
    Катэгорыя·Нарадзіліся 17 жніўня
    Катэгорыя·Вікіпедыя·Артыкулы са спасылкамі на элементы Вікідадзеных без беларускага подпісу
    Катэгорыя·Кінарэжысёры ЗША
    Катэгорыя·Лаўрэаты прэміі «Спадарожнік»
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Уладальнікі прыза за найлепшую мужчынскую ролю Канскага кінафестывалю
    Катэгорыя·Лаўрэаты прэміі Гільдыі кінаакцёраў ЗША