Чаро́тнік белы[3][4] (Rhynchóspora álba) — від кветкавых раслін роду Чаротнік (Rhynchospora) сямейства Асаковыя (Cyperaceae).
Шматгадовая травяністая расліна. Утварае рыхлыя дзярнінкі[4]. Сцяблы трохграневыя, вышынёй 10—40 см.
Лісце вузкалінейнае, 1—2 мм шырынёй, з трубчастымі похвамі. Кветкі белага колеру. Суквецце — адзін верхавінны або 2—8 расстаўленых каласкоў.
Плод — зваротнаяйкападобны арэшак бурага колеру.
Расліна распаўсюджана на тэрыторыі Еўразіі і Паўночнай Амерыкі. Святлолюбівая расліна, гіграфіт і алігатроф[5]. Расце на тарфяных балотах, забалочаных мясцінах, па берагах рэк і ручаёў, зарастаючых азёр. Цвіце ў чэрвені, размножваецца ў асноўным насеннем.
Від занесены ў Чырвоныя кнігі і спісы рэдкіх раслін шэрагу рэгіёнаў Расіі[5]. Ахоўваецца на тэрыторыі Украіны[5].
Па звестках базы дадзеных The Plant List, у сінаніміку віду ўваходзяць[6]: