Ці́манаўскі сельсавет — адміністрацыйна-тэрытарыяльная адзінка ў складзе Клімавіцкага раёна Магілёўскай вобласці. Цэнтр — аграгарадок (да 2009 года вёска) Ціманава.
Сельсавет размешчаны на паўднёвым захадзе раёна, мяжуе з горадам Клімавічы, Родненскім, Гусаркаўскім і Лабжанскім сельсаветамі Клімавіцкага раёна, Касцюковіцкім, Краснапольскім і Чэрыкаўскім раёнамі Магілёўскай вобласці.
Утвораны 20 жніўня 1924 года ў складзе Клімавіцкага раёна Калінінскай акругі БССР. З 9 чэрвеня 1927 года сельсавет у Клімавіцкім раёне Магілёўскай акругі. Пасля скасавання акруговай сістэмы 26 ліпеня 1930 года ў Клімавіцкім раёне БССР, з 20 лютага 1938 года — Магілёўскай вобласці. 11 красавіка 1960 года да сельсавета далучана частка скасаванага Асмолавіцкага сельсавета (5 населеных пунктаў: Балешын, Кукуеўка, Лубянка, Мядзведаўка і Сямёнаўка)[1]. 25 чэрвеня 1992 года да сельсавета далучана тэрыторыя скасаванага Савініцкага сельсавета. 28 снежня 2007 года скасавана вёска Вазнясенск[2]. 23 снежня 2009 года ў склад сельсавета перададзена вёска Рэут, якая знаходзілася ў падпарадкаванні Клімавіцкага раённага выканаўчага камітэта[3]. 21 снежня 2011 года да сельсавета далучана тэрыторыя скасаванага Высакоўскага сельсавета (11 населеных пунктаў: аграгарадок Высокае, вёскі Аўтухоўка, Высокая Буда, Жэўжык, Клоў, Мяжэнін, Слабада, Торчанка, Яноўка, пасёлкі Красавічы і Новы Строй)[4].
У склад сельсавета ўваходзіць 25 населеных пунктаў (2013 г.):
Населены пункт | Статус | Насельніцтва | Гаспадаркі |
---|---|---|---|
Аўтухоўка | вёска | 15 | 6 |
Балешына | вёска | 30 | 15 |
Буда | вёска | 33 | 20 |
Высокае | аграгарадок | 364 | 160 |
Гірэевічы | вёска | 37 | 23 |
Дарагінь | вёска | 36 | 16 |
Жадунька | вёска | 5 | 2 |
Жэўжык | вёска | 5 | 4 |
Клоў | вёска | 3 | 3 |
Красавічы | пасёлак | 75 | 53 |
Кукуеўка | вёска | 31 | 16 |
Лубянка | вёска | 8 | 6 |
Мядзведаўка | вёска | 14 | 11 |
Мяжэнін | вёска | 16 | 11 |
Новы Строй | пасёлак | 1 | 1 |
Плюшчава | вёска | 12 | 6 |
Рысін | вёска | 21 | 13 |
Рэут | вёска | 58 | 40 |
Слабада | вёска | 31 | 20 |
Стайкі | вёска | 15 | 12 |
Сямёнаўка | вёска | 8 | 5 |
Торчанка | вёска | 23 | 15 |
Ціманава | аграгарадок | 1858 | 703 |
Яноўка | вёска | 30 | 17 |
Ясная Паляна | вёска | 2 | 2 |
Крыніца: Клімавіцкі райвыканкам[5] |
Насельніцтва сельсавета паводле перапісу 2009 года (13 населеных пунктаў) — 2020 чалавек[6], з іх 96,2 % — беларусы, 1,9 % — рускія, 0,7 % — украінцы, 0,5 % — армяне[7]. Станам на 2013 год насельніцтва Ціманаўскага сельсавета складала 2731 чалавек, станам на 1 студзеня 2021 года — 2217 чалавек.