Ро́дненскі сельсавет — адміністрацыйна-тэрытарыяльная адзінка ў складзе Клімавіцкага раёна Магілёўскай вобласці Беларусі. Цэнтр — аграгарадок (да 2009 года вёска) Родня.
Утвораны 20 жніўня 1924 года як Родненскі (Раднянскі) сельсавет у складзе Клімавіцкага раёна Калінінскай акругі БССР. З 9 чэрвеня 1927 года сельсавет у Клімавіцкім раёне Магілёўскай акругі. Пасля скасавання акруговай сістэмы 26 ліпеня 1930 года ў Клімавіцкім раёне БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Малашкавіцкага сельсавета[1]. 11 красавіка 1960 года да сельсавета далучана частка скасаванага Судзілаўскага сельсавета (9 населеных пунктаў: Будлаўка, Ганнаўка, Мыслеўшчына, Патаронаўка, Прудок, Сабалёўка, Сідараўка, Слабада і Судзілы)[2]. 21 снежня 2011 года Родненскаму сельсавету былі перададзены вёскі Асмолавічы, Лазовіца, Уздзевічы, Фядотаўка, Шумоўка, якія ўваходзілі ў склад скасаванага Лазовіцкага сельсавета, а аграгарадок Малышкавічы і вёскі Васькоўка, Заходы, Казусёўка, Мацяёўка, Сураў, Якубаўка, якія ўваходзілі ў склад Родненскага сельсавета, былі перададзеныя Галіцкаму сельсавету[3].
| Населены пункт | Статус | Насельніцтва | Гаспадаркі |
|---|---|---|---|
| Асмолавічы | вёска | 494 | 212 |
| Грышын | вёска | ||
| Крупня | вёска | ||
| Крывая | вёска | 1 | 1 |
| Лазовіца | вёска | 67 | 37 |
| Леанполле | вёска | 13 | |
| Мыслеўшчына | вёска | ||
| Патаронаўка | вёска | ||
| Прудок | вёска | ||
| Родня | аграгарадок | 643 | 255 |
| Сабалёўка | вёска | ||
| Сабалёўка | вёска | 83 | |
| Слабада | вёска | ||
| Судзілы | вёска | 79 | 46 |
| Сямёнаўка 1 | вёска | 14 | |
| Уздзевічы | вёска | ||
| Фядотаўка | вёска | ||
| Халдэеўка | вёска | ||
| Шумоўка | вёска | ||
Насельніцтва сельсавета паводле перапісу 2009 года (21 населены пункт) — 1661 чалавек[4], з іх 96,6 % — беларусы, 3,0 % — рускія, 0,2 % — украінцы[5].
Станам на 2013 год у Родненскім сельсавеце пражывала 1711 чалавек, на 1 студзеня 2021 года — 1267 чалавек.