Цяцю́шнік[3][4] (Euphrásia) — род кветкавых раслін сямейства Заразіхавыя (Orobanchaceae). Раней адносіўся да сямейства Залознікавыя (Scrophulariaceae). Налічвае каля 200[4] відаў.
Аднагадовыя і шматгадовыя травяністыя расліны, зрэдку паўкусты. Сцябло прамастойнае. Лісце простае, супраціўнае. Кветкі маюць 5 пялёсткаў. Плод — сухая каробачка.
Расліны распаўсюджаны ва ўмераных і барэальных зонах абодвух паўшар’яў Зямлі. На тэрыторыі Беларусі сустракаецца 7[4] відаў. Расліны з’яўляюцца паўпаразітамі — з дапамогай прысосак (гаўсторыяў) бяруць ваду і мінеральныя рэчывы з каранёў іншых раслін (пераважна злакаў і асок). Некаторыя віды цяцюшніка — пустазелле.
Лекавыя, меданосныя расліны[4].