Цэло́зія[3] (Celosia) — род кветкавых раслін сямейства Аксамітнікавыя (Amaranthaceae).
Аднагадовыя і шматгадовыя травяністыя расліны вышынёй да 60 см. Сцябло прамастойнае, галінастае. Лісце чаргавальнае, простае, лінейнае і яйкападобнай формы. Кветкі шматлікія, дробныя, у каласападобных або мяцёлкападобных суквеццях, двухполыя, бліскучыя, белыя, жоўтыя, ружовыя або чырвоныя. Плод — каробачка.
Род налічвае каля 60 відаў (51 від[4]), у субтрапічнай і трапічнай абласцях Афрыкі і Амерыкі, часткова ў Азіі. Найбольш вядомая Цэлозія серабрыстая (Сelosia argentea).
Дэкаратыўныя расліны. Некаторыя віды спажываюць у ежу[3].