wd wp Пошук: ⬜

Аксамітнікавыя

Аксамітнікавыя[3] (Amaranthaceae) — сямейства двухдольных раслін.

Апісанне

У большасці — гэта аднагадовыя і шматгадовыя травы, але ёсць таксама паўхмызнякі, хмызнякі і хмызняковыя ліяны. Лісты супраціўныя, суцэльныя, без прылісткаў. Кветкі дробныя, актынаморфныя, двухполыя, радзей аднаполыя. Калякветнік з 5, пры рэдукцыі, 1-4 лускаватых лісцікаў, ці зусім без іх. Тычынак 5, часам менш. Гінецэй з 2-3 (4) пладалісцікаў. Кветкі часта ў суквецці клубочак.

Пашырэнне

Шырока распаўсюджана ў тропіках, субтропіках і ва ўмераных абласцях. Уключае каля 65 родаў і 850—900 відаў. У Беларусі каля 11 відаў з роду аксамітнік.

Класіфікацыя

Падсямействы

Сістэма класіфікацыі APG II вылучае наступныя падсямействы:

• Amaranthoideae
• Chenopodioideae
• Gomphrenoideae
• Salicornioideae
• Salsoloideae

У многіх іншых класіфікацыя[ (напрыклад, сістэме Кронквіста) падсямейства Chenopodioideae трактуется як самастойнае сямейства Лебядовыя (Chenopodiaceae).

Роды

Асноўны артыкул: Роды сямейства Аксамітнікавыя Спіс родаў сямейства (78 родаў) паводле Germplasm Resources Information Network (GRIN)[4] — адпавядае спісу родаў падсямейства Amaranthoideae у Сістэме класіфікацыі APG II. Паводле сайта The Plant List сямейства налічвае 178[5] роду.

На тэрыторыі Расіі і суседніх краін растуць прадстаўнікі шасці родаў:

• Achyranthes L.
• Alternanthera Forssk.
• Amaranthus L. typus[6] — Аксамітнік
• Beta L. — Буракі
• Celosia L. — Цэлозія
• Gomphrena L.

Зноскі

1. ↑ Ужываецца таксама назва Пакрытанасенныя.
2. ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. ↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 145. — 160 с. — 2 350 экз.
4. ↑ Паводле сайта GRIN (гл. картку расліны).
5. ↑ Genera in Amaranthaceae паводле сайта The Plant List(англ.) (лац.) (Праверана 28 чэрвеня 2015)
6. ↑ Amaranthus на сайте GRIN Архівавана 6 красавіка 2011 года.(англ.) (лац.) (Праверана 21 лютага 2011)

Літаратура

• Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. ISBN 978-985-439-644-6
• Амарантовые // Биологический энциклопедический словарь / Гл. ред М. С. Гиляров. Ред. колл. А. А. Баев, Г. Г. Винберг, Г. А. Заварзин и др.. — 2-е изд. исправл. — М.: Советская энциклопедия, 1989. — С. 20. — 864 с. — 150 000 экз. — ISBN 5-85270-002-9. (руск.)

Спасылкі

• Amaranthaceae(англ.)  // The Plant List
• Щирицевые — семейство Amaranthaceae: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Тэмы гэтай старонкі (7):
Катэгорыя·Аксамітнікавыя
Катэгорыя·Сямействы раслін
Катэгорыя·Расліны паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Старонкі з нелікавымі аргументамі formatnum
Катэгорыя·Артыкулы з перасягнутай глыбінёй разгортвання
Катэгорыя·Вікіпедыя·Старонкі з модулем Hatnote з чырвонай спасылкай