wd wp Пошук: ⬜

Цыкламен

Цыкламен, таксама Альпійская фіялка, або Драква (Cyclamen) — род кветкавых раслін сямейства Першакветныя (Primulaceae).

Апісанне

Шматгадовыя травы з клубнепадобным карэнішчам дыяметрам да 10 см, ад якога адыходзяць пакарочаныя парасткі з разеткай лісця і кветаносамі. Лісце простае, суцэльнае, з гладкім краем, на доўгіх чаранках, нырка- або яйкападобнае. Кветкі адзіночныя, паніклыя, ружовыя, цёмна-чырвоныя або белыя, з пяццю пялёсткамі. Плод — каробачка.

Дэкаратыўныя расліны. Усе віды ядавітыя.

Распаўсюджанне і экалогія

Каля 20 відаў. Пашыраны ў Міжземнамор’і і Заходняй Азіі. Трапляюцца ў горных, пераважна букавых і дубовых лясах, сярод хмызняку. На тэрыторыі Беларусі ў аранжарэях вырошчваюць сарты цыкламену веснавога, еўрапейскага, персідскага (Cyclamen persicum) і іншых.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.
Годас Л. І. Цыкламен // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1986. — 583 с., іл. — 10 000 экз. — С. 281.

Спасылкі

Цикламен: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Cyclamen(англ.) // The Plant List