wd wp Пошук:

Уладзімір Іванавіч Мелех

У Вікіпедыі ёсць артыкулы пра іншых асоб з прозвішчам Мелех. Уладзімір Іванавіч Мелех (нар. 3 лістапада 1952, г. Пэрвамайск, Варашылаваградская вобласць, УССР) — беларускі архітэктар.

Біяграфія

Скончыў у 1976 годзе архітэктурны факультэт Брэсцкага інжынерна-будаўнічага інстытута (выкладчыкі А. Д. Кудзіненка, М. М. Гайдукевіч; М. М. Суцягін, М. А. Латан).

У 1979—1988 гадах працаваў начальнікам аддзела сельскага будаўніцтва Гомельскага абласнога ўпраўлення будаўніцтва і архітэктуры; у 1988—1998 гадах вядучы архітэктар, кіраўнік групы архітэктараў, начальнік гомельскіх майстэрняў Беларускага рэстаўрацыйнага праектнага інстытута; у 1998—2000 гадах начальнік групы архітэктараў-рэстаўратараў праектнага інстытуце «Гомельграмадзянпраект»; у 2000—2004 гадах начальнік упраўлення архітэктуры і горадабудаўніцтва Гомельскага гарвыканкама, галоўны архітэктар г. Гомеля; у 2004—2009 гадах кіраўнік групы архітэктараў, галоўны архітэктар праектаў інстытута «Гомельграмадзянпраект».

Член Саюза архітэктараў СССР з 1969 года, член Беларускага саюза архітэктараў.

Творчасць

капліца-пахавальня Паскевічаў

Асноўныя працы: рэстаўрацыя помніка архітэктуры пачатку XIX стагоддзя — драўлянай царквы ў в. Чырвоны Партызан Добрушскага раёна (1990—1991, рэстаўрацыя ў 1992—1993); аднаўленне і рэстаўрацыя помніка архітэктуры канца XIX стагоддзя — касцёла ў г. Рэчыцы (1998—1999, рэстаўрацыя 2002—2004); аднаўленне і рэстаўрацыя помніка архітэктуры XIX стагоддзя — Свята-Успенскага сабора ў г. Рэчыцы (1999—2000, рэстаўрацыя 2001—2006); рэканструкцыя помніка архітэктуры пачатку XX стагоддзя — былога жылога дома па вул. Кірава, 12 пад офіс (2000—2001, рэканструкцыя 2001—2002); аднаўленне і рэстаўрацыя помніка архітэктуры канца XVIII стагоддзя — комплексу езуіцкага калегіума ў в. Юравічы Калінкавіцкага раёна (2004—2007, пачатак рэстаўрацыі 2007; навуковы кіраўнік аб’екта, аўтар распрацоўкі эскізнага праекта рэстаўрацыі; распрацоўка рабочай дакументацыі А. Ваяводская); рэстаўрацыя помніка архітэктуры пачатку XX стагоддзя — будынка руска-азіяцкага банка па вул. Савецкай у Гомелі (1996—1997, рэстаўрацыя 1997—1998); фізкультурна-аздараўленчы комплекс Гомельскага абласнога ўпраўлення Дэпартамента аховы па вул. Тэльмана ў Гомелі, (2006—2007, сааўтары М. Бяспалаў, С. С. Лапунова); лядовы палац у складзе цэнтра гульнявых відаў спорту ў г. Светлагорску Гомельскай вобласці (2007—2008, сааўтары М. Бяспалаў, С. Лабушаў); рэстаўрацыя помніка архітэктуры канца XIX стагоддзя — аднапавярховага будынка ў складзе палацава-паркавага ансамбля ў г. Гомелі (1995, рэалізацыя ў 1997); рэканструкцыя будынка па вул. Кірава, 11 пад адміністрацыйны будынак Гомельскага абласнога суда (2006, рэалізацыя ў 2007—2008); скульптурная кампазіцыя «Лодачнік» на набярэжнай р. Сож у г. Гомелі (2006, рэалізацыя 2007, скульптар В. К. Далгоў); комплекс будынкаў гадавальніка службовай сабакагадоўлі Гомельскага абласнога ўпраўлення Дэпартамента аховы па вул. Кааператыўнай у г. Гомелі (2007, рэалізацыя ў 2008; сааўтары М. Бяспалаў); рэстаўрацыя помнікаў архітэктуры XIX стагоддзя — капліцы-пахавальні ў складзе палацава-паркавага ансамбля ў г. Гомелі (2007—2008, пачатак правядзення рэстаўрацыйных работ у 2009); спартыўна-аздараўленчы цэнтр у г. Мазыры (2007—2008, пачатак будаўніцтва 2009; сааўтары М. Бяспалаў, В. М. Бяспалаў, В. Яворская).

Аўтар і сааўтар праектаў на рэстаўрацыю наступных помнікаў архітэктуры на тэрыторыі Гомельскай вобласці: царквы ў в. Леніна Добрушскага раёна (1989—1991, аўтар праекта рэстаўрацыі); сядзібна-паркавага ансамбля ў г. Нароўлі (1992—1993); «Паляўнічага доміка» па вул. Пушкіна ў г. Гомелі (1991—1992); былога духоўнага вучылішча па вул. Білецкага, 11 у г. Гомелі (1991—1992); касцёла Святога Антонія ў г. Рагачове (1989—1990); драўлянай царквы Св. Міхаіла (перанос з в. Вылева Добрушскага раёна ў Гомель); рэканструкцыя помніка архітэктуры канца XIX стагоддзя — жылога дома № 21а па вул. Першамайскай у г. Гомелі (1999—2000).

Узнагароды

Лаўрэат V нацыянальнага фестывалю архітэктуры (Гомель, 2003) у намінацыі «Рэстаўрацыя помнікаў гісторыі, культуры і архітэктуры» (рэалізацыя) за рэстаўрацыю помніка архітэктуры XIX стагоддзя — драўлянай царквы ў в. Чырвоны Партызан Добрушскага раёна. За рэстаўрацыю помніка архітэктуры XIX стагоддзя — Успенскага сабора ў г. Рэчыцы, сабора Пятра і Паўла ў г. Гомелі і інш. храмаў на тэрыторыі Гомельскай вобласці узнагароджаны Рускай праваслаўнай царквой ордэнам Прападобнага Сергія Раданежскага III ступені (2002).

Зноскі

Літаратура

Тэмы гэтай старонкі (23):
Катэгорыя·Артыкулы пра архітэктараў без ілюстрацый на Вікісховішчы
Катэгорыя·Кавалеры ордэна прападобнага Сергія Раданежскага III ступені
Катэгорыя·Артыкулы пра архітэктараў без партрэтаў
Катэгорыя·Галоўныя архітэктары Гомеля
Катэгорыя·Нарадзіліся ў Луганскай вобласці
Катэгорыя·Члены Беларускага саюза архітэктараў
Катэгорыя·Супрацоўнікі Гомельграмадзянпраекта
Катэгорыя·Вікіпедыя·Артыкулы пра асоб, для якіх не існуюць старонкі віду «І. Іпб. Прозвішча»
Катэгорыя·Рэстаўратары Беларусі
Катэгорыя·Вікіпедыя·Артыкулы пра асоб, для якіх не існуюць старонкі віду «Імя Прозвішча»
Катэгорыя·Вікіпедыя·Біяграфіі сучаснікаў
Катэгорыя·Нарадзіліся ў 1952 годзе
Катэгорыя·Члены Саюза архітэктараў СССР
Катэгорыя·Архітэктары паводле алфавіта
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Архітэктары Беларусі
Катэгорыя·Асобы
Катэгорыя·Архітэктары XXI стагоддзя
Катэгорыя·Вікіпедыя·Артыкулы пра асоб, для якіх не існуюць старонкі віду «І. Прозвішча»
Катэгорыя·Выпускнікі Брэсцкага дзяржаўнага тэхнічнага ўніверсітэта
Катэгорыя·Архітэктары XX стагоддзя
Катэгорыя·Архітэктары Гомеля
Катэгорыя·Нарадзіліся 3 лістапада