wd wp Пошук: ⬜

Танана

У гэтага паняцця ёсць і іншыя значэнні, гл. Танана (значэнні).

Та́нана (англ.: Tanana River) — рака на Алясцы (ЗША), левы прыток ракі Юкан.

Геаграфія і гідралогія

Даўжыня ракі 916 км, плошча вадазбору 113 959 км². Сярэдні расход вады 1172 м³/с. Суднаходная на 360 км уверх ад вусця.

Выток Тананы знаходзіцца ў гарах Урангеля ва ўсходняй Алясцы — паўночным адгор’і Кардыльераў. Утвараецца пры зліцці рэк Чызана і Набесна. З памежнага раёна з тэрыторыяй Юкан (Канада) цячэ на паўночны захад амаль паралельна Аляскінскай трасе. У цэнтральнай Алясцы працякае па нізіннай балоцістай мясцовасці пакрытай яловымі лясамі, вядомай як Даліна Танана. У Даліне Танана рака прымае некалькі вялікіх прытокаў, у іх ліку Ненана, Чэна і Дэльта, і ўтварае шмат рукавоў і старыц. Працякае на поўдзень ад горада Фэрбанкс. Упадае ў Юкан каля горада Танана. У верхнім цячэнні на рацэ шмат парогаў, у сярэднім і ніжнім — старыц і рукавоў[1].

Танана ў басейне ракі Юкан
У Даліне Тананы
рака Танана
Танана ў ніжнім цячэнні
Трансаляскінскі нафтаправод над Тананай
Танана каля 100 км на захад ад Фэрбанкса

Зноскі

↑ Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 418. — 538 с. — 100 000 экз.(руск.)

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 552. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.
Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 418. — 538 с. — 100 000 экз.(руск.)

Спасылкі

Tanana River // Encyclopaedia Britannica(англ.)