Сітнік сплюшчаны[3][4] (Juncus compressus) — від кветкавых раслін роду Сітнік (Juncus) сямейства Сітнікавыя (Juncaceae).
Шматгадовая травяністая расліна, 10—30 см вышынёй. Сцеблы пляскатыя, ля аснавання акружаны светла-бурымі лістаноснымі похвамі. Суквецце парасонападобнае, вельмі няшчыльнае. Лісточкі калякветніка па краі шырока перапончатыя, чырванаватыя або бурыя, на спінцы зялёныя. Каробачка прыкметна перавышае калякветнік, круглява-3-гранная, амаль шарападобная[4].
Распаўсюджаны ў Еўропе і Азіі; натуралізаваны ў Канадзе і ЗША[5][6][7].
Ва Украіне від расце на лугах, балотах, берагах вадаёмаў — на ўсёй тэрыторыі[4].