Сырнікі
Сырнікі (укр.: сирники) — страва ўкраінскай, рускай, беларускай кухняў, смажаныя аладкі з тварагу, змешанага з мукой і яйкамі, некаторыя кулінары лічаць, што муку дадаваць не трэба. Звычайна сырнікі смажаць на алеі, але таксама запякаюць у духоўцы, ёсць рэцэпты і з гатаваннем на пары.
Асаблівасць рэцэпту — тварог трэба добра адціснуць і працерці (напрыклад праз сіта або ў блендэры), чым лепей ён адціснуты, тым меней трэба мукі для атрымання пластычнага цеста. У ідэале — мукі зусім крыху. Сырнікі зусім без мукі паніруюць і гатуюць ў фрыцюры.
Найпапулярнейшыя простыя сырнікі і сырнікі з разынкамі, але распаўсюджаны сырнікі і з іншымі дабаўкамі, напрыклад морквай, курагой, яблыкамі, грушамі, арэхамі, бульбай, у рэдкіх выпадках — зяленай цыбуляй або кропам.
Падаюць сырнікі са смятанай, згушчаным з цукрам малаком, густым фруктова-ягадным кісялём або варэннем. Несалодкія сырнікі падаюць з кетчупам або маянэзам.
Тэмы гэтай старонкі (7):Катэгорыя·Беларуская кухня
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Стравы з тварагу
Катэгорыя·Украінская кухня
Катэгорыя·Стравы паводле алфавіта
Катэгорыя·Руская кухня
Катэгорыя·Вікіпедыя·Шаблон «Вонкавыя спасылкі» пусты