Сушаніца лясная[3] (Gnaphálium sylváticum) — травяністая расліна, від роду Сушаніца (Gnaphalium) сямейства Астравыя (Asteraceae).
Сушаніца лясная, адуванчык[4], вончык, вочнік, сушніца, цмен лясны, чарвіўнік[4][5][6].
Шматгадовая травяністая расліна.
Сцябло прамое, вышынёй 10-60 см, адзіночнае, неразгалінаванае.
Лісце чарговае, з верхняга боку апушанае або голае, знізу шаравата-лямцавае. Прыкаранёвае і ніжнія — чарашковае, лінейнае. Верхняе — сядзячае.
Плод — сямянка з доўгім чубком з валасінак.
Сушаніца лясная валодае лекавымі ўласцівасцямі, але ў значна меншай ступені, чым сушаніца балотная (Gnaphalium uliginosum).