Су́шаніца[3][4] (Gnaphalium) — род кветкавых раслін сямейства Астравыя (Asteraceae).
Аднагадовыя, двухгадовыя, шматгадовыя травяністыя расліны з лямцавым або шарсцістым апушэннем. Сцёблы прамастойныя ці прыўзнятыя, галінастыя. Лісце падоўжанае, суцэльнае, чаргаванае. Кошыкі невялікія, апушаныя, сабраныя ў шчытка-, клубочка- ці коласападобныя, вузкамяцёлачныя суквецці на верхавінках парасткаў. Плод — сямянка.
Лекавыя і дэкаратыўныя расліны.
50 (паводле іншых звестак 300) відаў. Пашыраны ўсюды, акрамя тропікаў. На тэрыторыі Беларусі 2 віды: сушаніца багнавая (Gnaphalium uliginosum) і сушаніца жоўта-белая (Gnaphalium lutea-album). Трапляюцца па берагах рэк, на пойменных лугах, як пустазелле.