Светнік звычайны
Светнік звычайны, Татарскае мыла[3] (Silene chalcedonica) — від двухдольных кветкавых раслін, уключаны ў род Смалёўка (Silene) сямейства Гваздзіковыя (Caryophyllaceae). Раней вылучаўся ў асобны род Светнік (Lychnis).
Батанічнае апісанне
.png)
Шматгадовая карэнішчавая травяністая расліна. Сцеблы прамыя, малагалінаваныя, жорсткаапушаныя, дасягаюць ад 0,5 да 1 м у вышыню.
Прыкаранёвае лісце лапаткавае. Сцябловае лісце ў абрысе ад ланцэтападобнага да яйкападобнага, да 12 см даўжынёй, па абодвух баках шурпатаапушанае, па краі і па сярэдняй жылцы з ніжняга боку апушанае.
Кветкі сабраны па 10—50 у амаль галоўкавыя суквецці на верхавіне парасткаў, амаль сядзячыя, 1—1,5 см у дыяметры. Чашачка трубчастая, вузкая, з зубчастым краем. Вяночак звычайна ярка-пунсовы, радзей белы або ружовы, пялёсткі глыбока падзеленыя на дзве долі. Тычынкі роўныя па даўжыні чашачцы. Песцікі ў ліку 5, таксама адной даўжыні з чашачкай.
Плод — яйкападобная каробачка да 1 см у дыяметры, які расчыняе пяццю створкамі. Насенне фасолепадобнае, чырвона-карычневае.
Лік храмасом 2n = 24.
Арэал
Натуральны арэал віду — Еўрапейская частка Расіі і бліжэйшыя дзяржавы.
Расліна здаўна вырошчваецца ў якасці дэкаратыўнай садовага расліны ў Еўропе і Паўночнай Амерыцы, дзе нярэдка дзічэе.
Таксанамія
| яшчэ 33 сямействаў (згодна Сістэме APG III) |
яшчэ больш 420 відаў | ||||||||||||
| парадак Гваздзікакветныя | род Смалёўка | ||||||||||||
| аддзел Кветкавыя, ці Пакрытанасенныя | сямейства Гваздзіковыя | від Silene chalcedonica | |||||||||||
| яшчэ 58 парадкаў кветкавых раслін (паводле Сістэме APG III) |
яшчэ 87 родаў | ||||||||||||
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- ↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 78. — 160 с. — 2 350 экз.
Літаратура
- Губанов И. А., Киселёва К. В., Новиков В. С., Тихомиров В. Н. 535. Lychnis chalcedonica L. — Лихнис халцедоновый, или Зорька, или Татарское мыло // Иллюстрированный определитель растений Средней России. В 3-х томах. — М.: Т-во научных изданий КМК, Ин-т технологических исследований, 2003. — Т. 2. Покрытосеменные (двудольные: раздельнолепестные). — С. 144. — ISBN 9-87317-128-9.
- Пашына Г. В. Зорка, ліхніс // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз. — С. 376.
Спасылкі
- Зорька обыкновенная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
- Rabeler, R.K.; Hartman, R.L. (2005). “9. Silene chalcedonica (Linnaeus) E. H. L. Krause”. Flora of North America 5. http://www.efloras.org/florataxon.aspx?flora_id=1&taxon_id=250060837.
Катэгорыя·Флора Еўразіі
Катэгорыя·Вікіпедыя·Спасылкі на Энцыклапедыю прыроды Беларусі без нумароў старонак
Катэгорыя·Расліны паводле алфавіта
Катэгорыя·Вікіпедыя·Спасылкі на Энцыклапедыю прыроды Беларусі без аўтара
Катэгорыя·Дэкаратыўныя садовыя расліны
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Смалёўка