Рата́йчыцы[1] (трансліт.: Ratajčycy, руск.: Ратайчицы) — вёска ў Беларусі, у Камянецкім раёне Брэсцкай вобласці. Адміністрацыйны цэнтр Ратайчыцкага сельсавета.
Знаходзяцца пры ўпадзенні ракі П’яўкі ў раку Тачыю, за 18 км у напрамку на паўднёвы захад ад горада Каменец[2], за 30 км ад Брэста[2], за 16 км ад чыгуначнай станцыі Лышчыцы[2].
Летам 1906 года адбылося антыкулацкае выступленне. Сяляне вёскі Кустынь сумесна з сялянамі вёсак Ратайчыцы і Рудаўцы Берасцейскага павета выгналі з маёнтка Трасцянец групу кулакоў, якія купілі гэты маёнтак за 115 тыс. рублёў.
У вёсцы знаходзіцца аднайменны гадавальнік дэкаратыўных раслін[3].
У 1920-х гадах у вёсцы працаваў настаўнікам Адам Трыпус.