Тачы́я[1] — рака ў Беларусі, у Камянецкім раёне Брэсцкай вобласці, правы прыток ракі Лясная (басейн Заходняга Буга).
Даўжыня ракі 15 км[2]. Плошча вадазбору 38 км². Сярэдні нахіл воднай паверхні 1,9 ‰. Пачынаецца за 1 км на паўночны захад ад вёскі Манчакі, вусце каля вёскі Млыны. Вадазбор у межах Прыбужскай раўніны.
Каля вёсак Шастакова, Зарачаны і Ратайчыцы на рацэ створаны сажалкі. Каля вёскі Ратайчыцы ў Тачыю ўпадае рака П’яўка.