wd wp Пошук: ⬜

Раман Ігаравіч Бегуноў

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Раман Бегуноў (нар. 22 сакавіка 1993, Мінск) — беларускі футбаліст, абаронца мінскага «Дынама» i нацыянальнай зборнай Беларусі.

Клубная кар’ера

«Мінск»

Выхаванец школы футбольнага клуба «Мінск», з 2010 года гуляў за дубль клуба. У сезоне 2012 стаў іграком асноўнага складу, звычайна займаў пазіцыю правага абаронцы.

У 2013 годзе канчаткова замацаваўся ў аснове, на пазіцыі правага абаронцы чаргаваўся з Аляксандрам Свярчынскім. Часам стаў выкарыстоўвацца ў якасці правага паўабаронцы. 3 лістапада 2013 года аформіў дубль у матчы супраць «Белшыны», што, аднак, не выратавала каманду ад паражэння (2:3).

У снежні 2013 года падоўжыў кантракт з «Мінскам». Сезон 2014 распачынаў правым абаронцам, але хутка быў пераведзены ў цэнтр абароны і замацаваўся там. У сезоне 2015 года стаў таксама выкарыстоўвацца і на пазіцыі апорнага паўабаронцы.

«Дынама» Мінск

У ліпені 2015 года цікавасць да Рамана стала праяўляць мінскае «Дынама»[3]. 14 ліпеня 2015 года падпісаў кантракт з гэтым клубам[4]. У складзе дынамаўцаў хутка замацаваўся ў аснове, звычайна стаў гуляць на пазіцыі правага абаронцы. З мая па ліпень 2016 года не гуляў з-за траўмы, пазней вярнуўся ў асноўны склад.

У сакавіку 2017 года быў абраны капітанам «Дынама»[5], аднак улетку саступіў капітанства Аляксандру Наёку. Пасля пераходу «Дынама» ў сезоне 2017 на схему з пяццю абаронцамі застаўся выступаць на пазіцыі правага ўскрайняга абаронцы. У сезоне 2018 таксама трывала гуляў у стартавым складзе, у кастрычніку і лістападзе не выступаў з-за траўмы.

У студзені 2019 года, нягледзячы на заканчэнне кантракта, пачынаў трэніравацца з дынамаўцамі, аднак неўзабаве пакінуў каманду[6].

«Тарпеда-БелАЗ»

У хуткім часе пасля зыходу са сталічнага клуба стаў іграком жодзінскага «Тарпеда-БелАЗ»[7]. Першую палову сезона 2019 прапусціў з-за траўмы, з ліпеня пачаў з’яўляцца на полі, пазней зноў выбываў з-за траўм, толькі з кастрычніка стаў трывала выхадзіць у стартавым складзе каманды.

«Шахцёр»

У снежні 2019 года падпісаў двухгадовы кантракт з салігорскім «Шахцёрам»[8]. Пачатак сезона 2020 прапусціў з-за траўмы, потмым пачаў з’яўляцца ў стартавым складзе каманды. У студзені 2021 года падоўжыў кантракт з клубам да канца 2022 года[9]. У пачатку 2021 года з’яўляўся на полі нерэгулярна, пасля стаў часцей выхадзіць у стартавым складзе. У студзені 2022 года па пагадненні бакоў разарваў кантракт з салігорскім клубам[10].

Вяртанне ў «Дынама»

Неўзабаве пасля сыходу з «Шахцёра» далучыўся да мінскага «Дынама» і хутка падпісаў кантракт з клубам[11].

Міжнародная кар’ера

Згуляў у трох матчах за моладзевую зборную Беларусі.

У 2015 годзе пачаў выклікацца ў нацыянальную зборную Беларусі. Дэбютаваў у зборнай 29 сакавіка 2016 года, выйшаўшы на замену ў таварыскім матчы супраць Чарнагорыі [12]. Пасля доўгага перапынку зноў стаў выклікацца ў зборную з 2020 года.

Дасягненні

01 Чэмпіён Беларусі (2): 2020, 2021
02 Срэбраны прызёр чэмпіянату Беларусі (2): 2015, 2017
03 Бронзавы прызёр чэмпіянату Беларусі (2): 2016, 2018
Уладальнік Кубка Беларусі: 2013
Уладальнік Суперкубка Беларусі: 2021
У спісе 22 найлепшых футбалістаў чэмпіянату Беларусі (2): 2016, 2017

Статыстыка выступленняў

Сезон	Дывізіён	Клуб	Матчы	Галы
2010	дубль	Мінск	25	0
2011	дубль	Мінск	20	0
2012	Д1	Мінск	19	0
2013	Д1	Мінск	24	2
2014	Д1	Мінск	30	1
2015 (1)	Д1	Мінск	14	1
2015 (2)	Д1	Дынама	8	0
2016	Д1	Дынама	17	1
2017	Д1	Дынама	24	1
2018	Д1	Дынама	16	0
2019	Д1	Тарпеда-БелАЗ	11	0
2020	Д1	Шахцёр	13	3
2021	Д1	Шахцёр	19	1

Зноскі