Плацічнае, Плацічна — возера ў Расонскім раёне Віцебскай вобласці, за 24 км на паўночны захад ад Расон, за 2 км на захад ад хутара Чырвоны Бор, у басейне ракі Свольна.
Плошча возера 0,23 км². Даўжыня 0,63 км, шырыня 0,55 км. Даўжыня берагавой лініі 2,1 км. На поўначы з возера выцякае рака Нячэрская, якая злучае яго з азёрамі Тутча і Глыбокае.
У возеры водзяцца акунь, плотка, шчупак, карась, гусцяра, лінь, джгір і іншыя віды рыб.