Петэр Тэктгрэн (шведск.: Peter Tägtgren, нар. 3 чэрвеня 1970) — шведскі музыкант, кампазітар, мультыінструменталіст, прадзюсар, рэжысёр кліпаў, лідар дэз-метал гурта Hypocrisy і адзіны ўдзельнік one-man-project’a Pain. Акрамя гэтага Тэктгрэн стварыў блэк-металічны праект The Abyss, удзельнічаў у супергуртах War (блэк-металічны праект, які ўключае музыкантаў з Abruptum і Dark Funeral) і Lock Up (грайндкор). Тэктгрэн валодае ўласнай гуказапісвальнай студыяй The Abyss і з’яўляецца вядомым музычным прадзюсарам. У яго студыі запісваліся многія металічныя групы, уключаючы Dimmu Borgir, Therion, Children of Bodom, Immortal і Dark Funeral.
У адным з сваіх інтэрв’ю Тэгтгрен заявіў, што Hypocrisy для яго — толькі хобі, а найбольшую перавагу ён аддае сваёй студыі — Abyss Studio.
Вялікі ўплыў на Петэра аказала група Kiss, менавіта яна натхніла яго стаць музыкантам. Граць у стылі экстрэмальнай музыкі для Петэра паспрыяла музыка гурта Metallica, а таксама Venom і Possessed.
Петэр Тэктгрэн не хоча называць сябе сатаністам, выкарыстоўваючы пры гэтым слова ненавіснік (даслоўна hateanist) па адносінах да рэлігіі (у большай ступені да хрысціянства). Выхоўваўся ў сям’і, па яго словах, якая ненавідзела рэлігію.