Парушэнец парасоністы[3], Станаўнік мужчынскі[4], Грушніча[5] (Chimaphila umbellata) — расліна сямейства Верасовыя (Ericaceae).
Вечназялёная расліна вышынёй да 20 см, са скурыстым падоўжана-ланцэтным лісцем, клінавата звужаным да аснавання. Па краі лісце пілаватае, зверху цёмна-зялёнае, бліскучае, знізу — бледна-зялёнае, размешчанае амаль кольцамі. Ружовыя кветкі сабраны ў суквецці-парасонікі на даволі доўгіх ножках. Плод — каробачка.
Сустракаецца ў хваёвых, змешаных і букавых лясах. Лекавая расліна.
Мае патрэбу ў ахове.