wd wp Пошук: ⬜

Міхаіл Максімавіч Уласаў

У Вікіпедыі ёсць артыкулы пра іншых асоб з прозвішчам Уласаў.

Міхаіл Максімавіч Уласаў (1925, в. Аляксандраўка, цяпер Іжморскі раён, Кемераўская вобласць — 1943, Гомельская вобласць) — удзельнік Вялікай Айчыннай вайны, снайпер 218-га гвардзейскага стралковага палка (77-я гвардзейская стралковая дывізія, 61-я армія, Цэнтральны фронт), гвардыі радавы. Герой Савецкага Саюза.

Біяграфія

Нарадзіўся 21 лістапада 1925 года ў в. Аляксандраўка Іжморскага раёна Томскай акругі Сібірскага краю (цяпер — раён Кемераўскай вобласці), у сям’і селяніна. Рускі.

Скончыў сямігадовую школу, затым працаваў трактарыстам.

У Чырвоную Армію быў прызваны ў сакавіку 1943 года і накіраваны на фронт Вялікай Айчыннай вайны.

Снайпер 218-га гвардзейскага стралковага палка гвардыі радавы Міхаіл Уласаў у ноч на 27 верасня 1943 года ў раёне в. Неданчычы (Рыпкынскі раён Чарнігаўскай вобласці) пераправіўся праз раку Днепр. Лодка, у якой ён плыў, ад разрыву снарада перакулілася, дабраўся да берага ўплаў, мужна змагаўся пры захопе плацдарма і адбіцці контратак праціўніка.

18 кастрычніка 1943 года пад Гомелем. М. М. Уласаў быў смяротна паранены. Пахаваны ў вёсцы Асарэвічы Брагінскага раёна Гомельскай вобласці Беларускай ССР.

Узнагароды

Званне Героя Савецкага Саюза прысвоена 15 студзеня 1944 года (пасмяротна) .
Ордэн Леніна (пасмяротна, 15.01.1944).
Медаль «За адвагу» (29.09.1943[1])

Памяць

Подзвігу Уласава прысвечаны стэнд у Музеі баявой славы Іжморскага раёна.
У сяле Новаславянка Іжморскага раёна воінам-аднавяскоўцам, якія загінулі ў гады Вялікай Айчыннай вайны, устаноўлены абеліск, дзе названы Міхаіл Максімавіч Уласаў[2].

Зноскі

Спасылкі

Представление к присвоению звания Героя Советского Союза (архив МО РФ) (руск.)
Міхаіл Максімавіч Уласаў на сайце «Героі краіны»
Власов, Михаил Максимович (руск.)
Власов Михаил Максимович (руск.)
Ижморский раён у годы Великой Отечественной войны Архівавана 28 сакавіка 2016. (руск.)