wd wp Пошук: ⬜

Мікалай Аляксеевіч Горскі

У Вікіпедыі ёсць артыкулы пра іншых асоб з прозвішчам Горскі. Мікалай Аляксеевіч Го́рскі (руск.: Николай Алексеевич Горский; 4 жніўня 1904, с. Боршчына(чач.) бел., Кастрамская губерня — 1 кастрычніка 1968, Віцебск) — беларускі вучоны ў галіне селекцыі сельскагаспадарчай жывёлы. Доктар сельскагаспадарчых навук (1967), прафесар (1968)[1].

Біяграфія

Нарадзіўся 4 жніўня 1904 года ў с. Боршчына Кастрамской губерні. У 1926 годзе скончыў Казанскі сельскагаспадарчы інстытут(руск.) бел.[1]. У 1927—1931 гг. працаваў заатэхнікам па племянной справе на Казанскай станцыі малочнай жывёлагадоўлі ў Спаску.

У 1934—1951 гг. працаваў заатэхнікам па племянной справе ў Іванаўскай і Кастрамской абласцях. У 1951 годзе скончыў завочную аспірантуру пры Казанскім сельскагаспадарчым інстытуце. У 1951—1954 гг. — на Кастрамской дзяржаўнай комплекснай сельскагаспадарчай доследнай станцыі — загадчык аддзела жывёлагадоўлі. У 1954—1959 гг. — намеснік дырэктара па навуковай рабоце, загадчык аддзелам генетыкі і развядзення сельскагаспадарчай жывёлы Інстытута жывёлагадоўлі Акадэміі навук БССР[1]. З 1954 г. М. А. Горскі працаваў у Віцебскім ветэрынарным інстытуце, загадчык кафедры прыватнай жывёлагадоўлі (1959—1968)[1], дэкан заатэхнічнага факультэта (1960—1965).

Навуковая дзейнасць

М. А. Горскаму належаць працы па метадам фарміравання вытворчага статка кастрамской(руск.) бел. і швіцкай(руск.) бел. парод. З’яўляецца адным са стваральнікаў кастрамской пароды буйной рагатай жывёлы[1].

Сярод апублікаваных прац:

Каталог племенных быков Костромского ГПР / Н. А. Горский. — Кострома, 1937.
Опыт создания массива крупного рогатого скота костромской породы в колхозах госплемрассадника : дис. … канд. с.-х. наук / Н. А. Горский. — Кострома, 1949.
Костромская порода скота в колхозах / Н. А. Горский. — Москва : Сельхозгиз, 1952.
Система разведения в ведущих стадах костромской породы в БССР / Н. А. Горский, Г. М. Сидоренко // Научные труды / Белорусский научно-исследовательский институт животноводства. — Минск, 1958. — Т. 1.

Узнагароды і прэміі

Ордэн Леніна
Медаль «За доблесную працу ў Вялікай Айчыннай вайне 1941—1945 гг.»
Залаты медаль імя І. У. Мічурына
Дзяржаўная прэмія СССР 1945 года за суаўтарства кастрамской пароды буйнога рагатага ската[1]
Грамата Прэзідыума Вярхоўнага Савета БССР (1961)
Медалі і граматы ВДНГ СССР (1939, 1940, 1954, 1955)

Зноскі

1 2 3 4 5 6 Горский Николай Алексеевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 165. — 737 с.

Літаратура

Белорусская ССР: Краткая энциклопедия. В 5-ти т. Т. 5. Биографический справочник / Ред. колл.: П. У. Бровка и др.. — Мн.: Гл. ред. Белорус. Сов. Энциклопедии, 1981. — Т. 5. — 740 с. — 50 000 экз.(руск.)

Спасылкі

Горский Николай Алексеевич // Сайт УА «Віцебская ордэна „Знак Пашаны“ дзяржаўная акадэмія ветэрынарнай медыцыны» (ВДАВМ)(руск.)