wd wp Пошук: ⬜

Мікалай Іванавіч Сталяроў

У Вікіпедыі ёсць артыкулы пра іншых асоб з прозвішчам Сталяроў.

Мікалай Іванавіч Сталяро́ў[1] (20 мая 1919, Крычаў — 14 жніўня 1985, Троіцк) — удзельнік Вялікай Айчыннай вайны, намеснік камандзіра эскадрыллі 629-га знішчальнага авіяцыйнага палка 102-й знішчальнай авіяцыйнай дывізіі войскаў СПА тэрыторыі краіны, лейтэнант. Герой Савецкага Саюза.

Біяграфія

Нарадзіўся ў мястэчку Крычаў Чэрыкаўскага павета Магілёўскай губерні(цяпер горад Магілёўскай вобласці). Рускі.

З дзяцінства жыў у Ленінградзе. Скончыў 7 класаў і школу ФЗВ. Працаваў судовым зборшчыкам.

У Чырвонай Арміі з 1938 года. У 1940 скончыў Чугуеўскае ваеннае авіяцыйнае вучылішча. У дзеючай арміі ў перыяд Вялікай Айчыннай вайны — з пачатку баявых дзеянняў.

У ходзе Сталінградскай бітвы здзейсніў 127 баявых вылетаў, правёў 38 паветраных баёў. Асабіста збіў 6 і ў групе — яшчэ 4 самалёты праціўніка. Эскадрылля лейтэнанта Сталярова прыняла ўдзел у 39 паветраных баях, не страціўшы ні аднаго самалёта.

У 1960 годзе звольніўся ў запас у званні палкоўніка. Жыў у горадзе Троіцк Чалябінскай вобласці.

Памёр 14 жніўня 1985 года. Пахаваны ў горадзе Троіцк.

Узнагароды

Указам Прэзідыума Вярхоўнага Савета СССР ад 8 лютага 1943 «за ўзорнае выкананне баявых заданняў камандавання на фронце барацьбы з нямецкімі захопнікамі і праяўленыя пры гэтым адвагу і геройства» было прысвоена званне Героя Савецкага Саюза;
ордэн Леніна;
ордэн Айчыннай вайны 1-й ступені;
два ордэны Чырвонай Зоркі;
медаль «За баявыя заслугі»;
медаль «За абарону Сталінграда»;
медаль «За перамогу над Германіяй у Вялікай Айчыннай вайне 1941—1945 гг.»;
медалі.

Памяць

У горадзе Троіцку на доме, у якім жыў Герой, устаноўлена мемарыяльная дошка. Таксама на Алеі Герояў яму ўстаноўлены бюст.

Зноскі

↑ БелЭн, 2002

Літаратура

Сталяроў Мікалай Іванавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 141. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.

Спасылкі

Мікалай Іванавіч Сталяроў на сайце «Героі краіны»
Сталяроў Мікалай Іванавіч.
Столяров Николай Иванович // Красные Соколы (руск.)
Сталяро́ў Мікалай Іванавіч на сайце анлайн-энцыклапедыі «Беларусь у асобах і падзеях»
Столяров Николай Иванович (руск.) // Праект «Память народа»