Мёртвая Вісла

Мёртвая Вісла (польск.: Martwa Wisła, ням.: Tote Weichsel) — рака ў Паморскім ваяводстве Польшчы, рукаў Віслы, які ўтварыўся ў выніку змены яе рэчышча.

У 1840 годзе гэтая назва была нададзена ўчастку Віслы ад яе вусця да вёскі Гуркі, дзе рачныя воды ў выніку ледзянога затору знайшлі новы выхад да Гданьскай бухты.

У выніку перакопу Віслы, праведзенага ў 1890—1895 гадах каля Свібна, быў створаны новы ліман Віслы: ад Пшэгаліны да Гданьскай бухты быў створаны Віслінскі перакоп. Назву «Мёртвая Вісла» атрымаў тады ўчастак былой Віслы-Ляніўкі ад Пшэгаліны да вусця Вестэрплятэ ў Гданьску. Назва была афіцыйна ўстаноўлена ў 1949 годзе.

З 1980-х гадоў старадаўняе рэчышча Віслы каля Пшэгаліны пачало засыпацца попелам з Гданьскай ЦЭС «Выбжэжэ», якую перавозілі на баржах. У выніку 40 га былога рэчышча былі запоўнены адходамі ЦЭС. Мёртвая Вісла, аднак, дагэтуль злучаная з галоўным вусьцем Віслы праз шлюз у Пшэгаліне (пабудаваны ў 1895 годзе).

Згодна з Пастановай Савета міністраў Польшчы ад 2002 года аб класіфікацыі ўнутраных водных шляхоў Мёртвая Вісла мае суднаходны клас і даступна для суднаў грузападымальнасцю да 4 000 тон і асадкай да 3 метраў.

Зноскі

1. ↑ https://encyklopedia.pwn.pl/haslo/Martwa-Wisla;3938190.html

Артыкулу не хапае спасылак на крыніцы. Звесткі мусяць быць правяральнымі або іх могуць выдаліць. Вы можаце адрэдагаваць артыкул, дадаўшы спасылкі на аўтарытэтныя крыніцы. Шаблон пастаўлены 29 чэрвеня 2022 года.