Лейла Рызванаўна Ісмаілава
У Вікіпедыі ёсць артыкулы пра іншых асоб з прозвішчам Ісмаілава. Лейла́ Рызва́наўна Ісмаілава (Лейла́ Рызва́наўна Ісмаіллі́, нар. 28 ліпеня 1989, Мінск) — беларуская журналістка, вядучая музычных тэлевізійных праграм, мадэль. У прыватнасці, вяла дзіцячы конкурс песні «Еўрабачанне» 2010 г., які праходзіў у Мінску (разам з Д. Кур’янам), абвяшчала вынікі галасавання ад Беларусі на «Еўрабачанні» 2011 г., і была вядучай нацыянальнага адбору ў Беларусі для «Еўрабачання» 2012 г.
Біяграфія
Нарадзілася 28 ліпеня 1989 года ў Мінску ў сям’і Р. І. Ісмаілава, ураджэнца г. Агдама (Азербайджан), і мінчанкі Г. І. Ружанцовай. Праз месяц пасля нараджэння дачкі сям’я пераехала ў г. Баку.
Калі Лейле было тры гады, яе бацька, які працаваў дырэктарам нафтабазы ў Агдаме, загінуў падчас армяна-азербайджанскага ўзброенага канфлікту ў выніку абстрэлу з армянскага боку. Маці з трыма дзяцьмі вернулася ў Мінск.
Лейла пачала публікаваць матэрыялы ў 15 гадоў. У 2006 г. скончыла Ліцэй Беларускага дзяржаўнага ўніверсітэта (клас гісторыі), а затым — інстытут журналістыкі БДУ (аўдыявізуальная журналістыка, дыплом з адзнакай, лепшая выпускніца інстытута 2011 г.)[1].
У 2010 годзе па стыпендыяльнай праграмы Еўрапейскага Саюза Эразмус Мундус, навучалася ва Універсітэце імя Арыстоцеля (г. Салонікі, Грэцыя). Адтуль накіравала заяўку ў Мінск на адбор вядучых для дзіцячага «Еўрабачання». Паспяхова прайшла адбор, што стала пачаткам яе тэлевізійнай працы.
Здымаецца таксама ў музычных кліпах, фота- і тэлевізійнай рэкламе. Удзельнічала ў ІІІ з’ездзе азербайджанцаў свету. З 2011 г. навучаецца ў адной з акцёрскіх школ у Галівудзе (Лос-Анджэлес, ЗША).
Сям’я
- Маці — настаўніца рускай мовы і літаратуры ў гімназіі.
- Старэйшая сястра Эсміра — журналіст, эканаміст і літаратар; працавала, у прыватнасці, у Пасольстве Азербайджана ў Беларусі, у цяперашні час — у прадстаўніцтве Праграмы развіцця ААН у Мінску.
- Малодшы брат Бахрам навучаецца ва ўніверсітэце.
Асноўныя тэлепраграмы
Дзіцячы конкурс песні «Еўрабачанне» 2010 г. — вядучая.- Конкурс песні «Еўрабачанне» 2011 г. — глашатай ад Беларусі.
Спартыўна-забаўляльная тэлегульня «Бітва тытанаў» (фран. назва «Intervilles»), Францыя, 2011 г. — удзельніца каманды Беларусі.
«Музычныя вечары ў Мірскім замку» 2011 г. — вядучая.- Міжнародны фестываль мастацтваў «Славянскі базар у Віцебску» 2011 г. — вядучая.
«Еўрафэст» (нацыянальны адбор на конкурс песні «Еўрабачанне» 2012 г.) — вядучая.
.svg)
У музычных кліпах
Мадэль
Калекцыя шалікаў «Кэралайн Монік» 2013 г. (г. Беверлі-Хілз, акруга Лос-Анджэлес, штат Каліфорнія)[4]
Узнагароды і прэміі
- Тытул «Міс прэса» на конкурсе «Міс Мінск» 2009 г.
- Нацыянальная прэмія «Тэлевяршыня» 2011 г. у намінацыі «Лепшая вядучая музычна-забаўляльнага шоў».
Зноскі
- ↑ Лучшие выпускники БГУ — 2011 // БГУ (руск.)
- ↑ Vinsent. Восеньскі вальс // youtube.com.
- ↑ The Maneken. Обратный билет // youtube.com. (руск.)
- ↑ Архівавана 2 лістапада 2013. Архівавана 2 лістапада 2013. Архівавана 2 лістапада 2013. Архівавана 2 лістапада 2013. Архівавана 2 лістапада 2013. Архівавана 2 лістапада 2013. Архівавана 2 лістапада 2013. Архівавана 2 лістапада 2013. Архівавана 2 лістапада 2013. Caroline Monick Silk Scarves Collection 2013 // Caroline Monick (англ.) (фр.)
Спасылкі
Тэмы гэтай старонкі (14):Катэгорыя·Фотамадэлі Беларусі
Катэгорыя·Нарадзіліся 28 жніўня
Катэгорыя·Выпускнікі Ліцэя БДУ
Катэгорыя·Вікіпедыя·Біяграфіі сучаснікаў
Катэгорыя·Нарадзіліся ў 1989 годзе
Катэгорыя·Вікіпедыя·Спасылка на Вікісховішча непасрэдна ў артыкуле
Катэгорыя·Вікіпедыя·Артыкулы пра асоб, для якіх не існуюць старонкі віду «І. Іпб. Прозвішча»
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Артыкулы пра асоб, для якіх не існуюць старонкі віду «І. Прозвішча»
Катэгорыя·Нарадзіліся 28 ліпеня
Катэгорыя·Фотамадэлі ЗША
Катэгорыя·Асобы
Катэгорыя·Нарадзіліся ў Мінску
Катэгорыя·Тэлевядучыя Беларусі