Кольнік круглявы[3] (Phyteuma orbiculare) — від двухдольных кветкавых раслін, які ўключаны ў род Кольнік (Phyteuma) сямейства Званочкавыя (Campanulaceae).
Кольнік круглявы — невялікая шматгадовая травяністая расліна з карэнішчам, не перавышае 50 см у вышыню. Сцеблы прамыя, голыя. Лісце шматлікае, сабранае ў прыкаранёвую разетку, на даволі доўгіх хвосціках, да 5 см даўжынёй, ланцэтападобнай або яйкападобнай формы, пілавата-зубчастае, у невялікай колькасці таксама на сцябле, сядзячае, вузкае, са слаба зубчастым краем.
Кветкі ў шарападобных галоўкавыхсуквеццях на канцах сцеблаў, з дробнымі даўгаватымі прыкветкамі. Чашачка светла-зялёная, голая, з завостранымі чашалісткамі. Вяночак моцна выгнуты, цёмна-сіняга, фіялетава-сіняга, рэдка амаль белага колеру. Тычынкі з белымі ніткамі і сінімі пылавікамі. Песцік з трохлопасцевым лычыкам.
Плод — зяленая каробачка са шматлікім дробным бліскучым насеннем.
Кольнік круглявы у натуральных умовах шырока распаўсюджаны ў горных раёнах Еўропы. Паўночная мяжа арэала — Вялікабрытанія і Латвія, паўднёвая — Іспанія і Індыя.
| яшчэ 10 сямействаў (па Сістэме APG III) |
яшчэ каля 20 відаў | ||||||||||||
| парадак Астракветныя | род Кольнік | ||||||||||||
| аддзел Кветкавыя, ці Пакрытанасенныя | сямейства Званочкавыя | від Кольнік круглявы | |||||||||||
| яшчэ 58 парадкаў квекавых раслін (па Сістэме APG III) |
яшчэ больш 90 родаў | ||||||||||||