wd wp Пошук: ⬜

Каманішнік лугавы

Каманішнік лугавы[3] (Succisa pratensis) — від травяністых раслін падсямейства варсянкавых (Dipsacoideae) сямейства бружмелевыя (Caprifoliaceae).

Расце ва ўмераных абласцях Еўразіі, а таксама выкарыстоўваецца як дэкаратыўнае расліна. Этымалогія: лац.: pratensis — «лугавы»[4].

Назва

Каманішнік лугавы, каманіца, канапель лясная, каласніца, каманішнік, куманіца, куманічнік[5][6], папы, сівец[7].

Апісанне

Шматгадовая травяністая расліна з кароткім карэнішчам. Вышыня: 30-60 см. Сцеблы ад неразгалінаваных да разгалінаваных у верхняй частцы, верхняя частка ад бедна касматай да амаль голай. Лісце супратыўнае, чарашковае; пласціны ад ланцэтных да эліптычных, завостраныя, суцэльнакрайняе, скурыстае, голае, бліскучае. Суквецці паўсферападобныя, 2-3 см у дыяметры. Кветкі блакітныя (фіялетавыя), радзей-белыя, варонкападобныя, 4-лопасцевыя, лопасці аднолькавага памеру, усе кветкі аднолькавага памеру. Тычынак 4. Лісточкі прыкветкаў ў 2-3 шэрагі, лісцяныя, яйкападобныя, апушаныя і расніцавыя. Плады — пакрытыя валаскамі сямянкі, прыкладна 5 мм даўжынёй.

Распаўсюджанне

Паўночная Афрыка (Алжыр, Туніс); Еўропа (Малдова, Украіна, Аўстрыя, Бельгія, Чэхаславакія, Германія, Венгрыя, Нідэрланды, Польшча, Швейцарыя, Данія, Фінляндыя, Ісландыя, Нарвегія, Швецыя, Вялікабрытанія, Індыя, Балгарыя, былая Югаславія, Грэцыя, Італія, Румынія, Францыя, Партугалія, Іспанія); Азія (Грузія, Расія, Турцыя). Від натуралізаваны ў некаторых частках Канады і ЗША.

Насяляе маладыя лугі, берагі, межы лясоў, багатыя балоты, лясы на мяжы балот, лясныя пашы, шыракалістыя лясы, палявыя і дарожныя насыпы. Расліну часам высаджваюць як дэкаратыўную; яна патрабуе вільготную глебу на сонечным месцы.

Ва Украіне расце на вільготных лугах, у хмызняках, на лясных узлесках — у Карпатах, лесастэпе, лясной зоне, звычайны; у стэпе вельмі рэдка.

Галерэя

Батанічная ілюстрацыя з кнігі Яна Копса «Flora Batava», 1800—1934

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 127. — 160 с. — 2 350 экз.
↑ Dictionary of Botanical Epithets
↑ Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
↑ Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
↑ Анненков Н.(руск.) бел. Ботанический словарь, Спб, 1878

Літаратура

Каманішнік // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — С. 457. — 522 с. — 10 000 экз.

Спасылкі

NatureGate
Germplasm Resources Information Network (GRIN)
Сивец луговой: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)