Зю́знік[3][4] (Lycopus) — род кветкавых раслін сямейства Ясноткавыя (Lamiaceae). На тэрыторыі Беларусі найбольш вядомы зюзнік еўрапейскі (Lycopus europaeus), радзей, пераважна на поўдні, сустракаецца зюзнік высокі (Lycopus exaltatus ).
Шматгадовыя травяністыя расліны. Лісце супраціўнае, надрэзаназубчатае або пёрыста-рассечанае.
Кветкі пучкамі ў пазухах лісця. Чашачка званочкавая, 4—5-рассечаная. Вяночкі званочкавыя. Толькі дзве тычынкі з пылавікамі, а дзве без пылавікоў. Плады — гладкія арэшкі.