Жэкітыньёнья[1] (парт.: Rio Jequitinhonha) — рака ў Паўднёвай Амерыцы, ва ўсходняй частцы Бразіліі, у штатах Мінас-Жэрайс і Баія.
Даўжыня ракі 1030 км. Плошча вадазбору 73 000 км². Сярэдні расход вады каля 550 м³/с. Выток ракі знаходзіцца на хрыбце Сера-ду-Эспіньсу. Працякае па Бразільскім пласкагор’і, упадае ў Атлантычны акіян. Жыўленне ракі пераважна дажджавое. Паводкі адбываюцца ў снежні — сакавіку. На рацэ маюцца парогі і вадаспады. Суднаходная на адлегласці 100 км ад вусця[1].
На рацэ горад Жэкітыньёнья.