Жэ́жліна — возера ў Беларусі, у Лепельскім раёне Віцебскай вобласці ў басейне ракі Ула (працякае праз возера), за 7 км у напрамку на паўночны ўсход ад горада Лепель, каля вёсак Вялікае Жэжліна і Малое Жэжліна.
Плошча паверхні возера 0,36 км². Даўжыня 1,07 км, найбольшая шырыня 0,56 км, даўжыня берагавой лініі 3,6 км. Найбольшая глыбіня 9,8 м. Аб’ём вады ў возеры 1,4 млн м³. Плошча вадазбору 1366 км².
Вышыня схілаў катлавіны возера дасягае 10—15 м. Берагавая лінія звілістая. Берагі пясчаныя, у асобных месцах забалочаныя. Дно возера выслана глеем, мелкаводдзе пясчанае. Ва ўсходняй частцы востраў плошчай 0,7 га. Прыбярэжная расліннасць займае палосу шырынёй да 100 м і распаўсюджваецца да глыбіні 2,9 м. Возера праточнае
У возеры водзяцца шчупак звычайны, акунь, лешч, гусцяра, карась, плотка, краснапёрка, мянтуз і іншыя рыбы.
На поўнач ад возера пралягае аўтамабільная дарога Н2808.