wd wp Пошук: ⬜

Жаўтакруг рабы

Жаўтакру́г рабы[3] (Hypochaeris maculata) — від кветкавых раслін з роду Жаўтакруг (Hypochaeris) сямейства Астравыя (Asteraceae). Народныя назвы: свіннік, ястрабовая трава[3].

Батанічнае апісанне

Шматгадовая травяністая расліна вышынёй 30—80[3] см. Сцябло прамастойнае, шурпатае. Лісце ў прыкаранёвай разетцы і ў невялікай колькасці чаргаванае па даўжыні сцябла[4], падоўжна-авальнай формы, простае, з выемчаста-зубчастым краем, апушанае, сядзячае. На лістах маюцца чырвона-бурыя плямы і чырванаватая жылка. Кветкі язычковыя, залаціста-жоўтага колеру, сабраныя ў кошыкі на верхавінках сцяблоў. Плод — сямянка з чубком і пяццю рэбрамі, пераходзячымі ў носік.

Распаўсюджанне і экалогія

Еўраазіяцкі від. Расце ў хваёвых лясах, на палянах і травяністых схілах, сярод хмызняку, у стэпах, на сухіх лугах. Святлолюбівая расліна, мезафіт і мезатроф [4]. Цвіце ў чэрвені—ліпені.

Значэнне

Лекавая (слабільны, змякчальны, ранагаючы сродак)[3][4], кармавая [3] і дэкаратыўная [4] расліна.

Сінонімы

Achyrophorus apargioides Schur, 1859
Achyrophorus maculatus (L.) Scop., 1772
Achyrophorus maculatus var. alpestris Schur, 1866
Achyrophorus maculatus var. alpicola Schur, 1866
Achyrophorus maculatus var. longifolius G.Froel.
Achyrophorus maculatus var. oblongifolius DC., 1838
Achyrophorus maculatus var. obtusifolius Schur, 1866
Achyrophorus maculatus var. pinnatifidus Uechtr.
Achyrophorus maculatus var. ramosissimus Schur, 1866
Achyrophorus microcephalus Czetz, 1872
Hypochaeris carpathica Pax, 1895
Hypochaeris maculata subsp. carpathica (Pax) Soó
Hypochaeris maculata subsp. maculata
Hypochaeris pyrenaea Sennen, 1927
Hypochaeris tyrolensis Schiw. ex DC., 1838, nom. inval.
Porcellites maculatus (L.) Cass., 1826
Trommsdorffia maculata (L.) Bernh., 1800
Trommsdorffia maculata var. maculata
Trommsdorffia maculata subsp. maculata

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
1 2 3 4 5 Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз.
1 2 3 4 Троммсдорфия крапчатая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

Ляховіч І. М. Жаўтакруг // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз. — С. 280.
Васильев В. Н. Род 1640. Прозанник — Achyrophorus Scop. // Флора СССР. В 30-ти томах / Начато при руководстве и под главной редакцией акад. В. Л. Комарова; Редакторы тома Е. Г. Бобров и Н. Н. Цвелев. — М.—Л.: Издательство Академии Наук СССР, 1964. — Т. XXIX. — С. 202. — 796 с. — 2 200 экз.(руск.)

Спасылкі

Троммсдорфия крапчатая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)