Даніла Дзяменцьевіч Буцьянаў (9 снежня 1918—2005) — вучоны ў галіне эпізааталогіі, доктар ветэрынарных навук (1974), прафесар (1975).
Нарадзіўся ў вёсцы Хаменкі Сенненскага павета (зараз у Сенненскім раёне Віцебскай вобласці Беларусі). У 1939 годзе скончыў Віцебскі ветэрынарны інстытут. Працаваў галоўным ветэрынарным ўрачом, намеснікам начальніка ўпраўлення сельскай гаспадаркі ў Клімавіцкім раёне Магілёўскай вобласці[1]. Удзельнік Вялікай Айчыннай вайны. У 1947—1954 гг. і з 1964 года ў Віцебскім ветэрынарным інстытуце (з 1964 года асістэнт кафедры эпізааталогіі, з 1967 г. — дацэнт). У 1972 годзе абараніў доктарскую дысертацыю на тэму «Ассоциированная вакцинация свиней против чумы и рожи»[1]. У 1973—1988 гадах Д. Д. Буцьянаў на пасадзе загадчыка кафедрай эпізааталогіі і адначасова ў 1975—1978 гадах — дэкан ветэрынарнага факультэта.
У 1992 годзе Д. Д. Буцьянаў выйшаў на пенсію[1]. Памёр у 2005 годзе[1].
Д. Д. Буцьянаву належаць навуковыя працы па вывучэнню патагенеза і імунітэта пры рожы і іншых хваробах свіней, мерах барацьбы з лептаспірозамі і пастэрэлёзамі сельскагаспадарчай жывёлы, адначасовай вакцынацыі ад некалькіх інфекцый.
Сярод апублікаванага: