wd wp Пошук: ⬜

Глеб Андрэевіч Рассадкін

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Глеб Рассадкін (нар. 5 красавіка 1995, Мінск) — беларускі футбаліст, нападнік дзяржынскага «Арсенала».

Клубная кар’ера

«Дынама»

Выхаванец мінскага «Дынама», з 2011 выступаў за дубль. У асноўнай камандзе дэбютаваў 12 мая 2012 года ў матчы супраць «Тарпеда-БелАЗ», на 84-й хвіліне замяніўшы Ёвана Дам’янавіча. Першы гол за «Дынама» забіў 26 верасня 2012 года ў матчы 1/8 фіналу Кубка Беларусі ў браму пінскай «Хвалі».

У сезоне 2013 у асноўным выступаў за дубль, зрэдку з’яўляючыся ў асноўнай камандзе. 4 ліпеня 2013 года забіў свой першы гол у еўракубках (у браму літоўскай «Круоі» ў першым кваліфікацыйным раўндзе Лігі Еўропы).

Сезон 2014 распачынаў за дубль, а ўлетку стаў нярэдка прыцягвацца да матчаў асновы, часам з’яўляўся і ў стартавым складзе. 10 кастрычніка 2014 года забіў свой першы гол у чэмпіянаце, які дазволіў дынамаўцам атрымаць перамогу над наваполацкім «Нафтанам» (2:0).

Сезон 2015 распачаў на лаўцы запасных, але пазней здолеў замацавацца ў стартавым складзе, дзе звычайна складаў звязку нападнікаў разам з Фатасам Бечыраем. У жніўні забіў за «Дынама» два важных гола — спачатку 10 жніўня дапамог у чэмпіянаце Беларусі перамагчы БАТЭ (1:0), а 20 жніўня адкрыў лік у матчы з аўстрыйскім «Рэд Булам» (2:0), чым дапамог дынамаўцам другі сезон запар выйсці ў групавы этап Лігі Еўропы.

Сезон 2016 распачаў у якасці асноўнага нападніка мінчан, але ў ліпені ў матчы Лігі Еўропы супраць «Сент-Патрыкс Атлетык» атрымыў траўму. Вярнуўся на поле ў кастрычніку, аднак стаў толькі выхадзіць на замену. У пачатку 2017 года быў адхілены ад асноўнай каманды мінчан і стаў выступаць за дубль. У ліпені 2017 года кантракт нападніка з «Дынама» быў разарваны[4].

«Зорка»

У жніўні 2017 года праходзіў прагляд у луганскай «Зары», але беспаспяхова і пазней стаў іграком іншага ўкраінскага клуба — крапыўныцкай «Зоркі»[5]. Спачатку трывала выступаў у аснове, 9 снежня 2017 года адзначыўся трыма галявымі перадачамі ў матчы з адэскім «Чарнаморцам» (3:3). З красавіка 2018 года з-за праблем са здароўем перастаў з’яўляцца на полі.

«Нёман»

У ліпені 2018 года трэніраваўся з жодзінскім «Тарпеда-БелАЗ»[6], пазней далучыўся да гродзенскага «Нёмана», які ў жніўні 2018 года ўзяў нападніка ў арэнду[7]. У складзе гродзенскай каманды стаў іграком стартавага складу.

З пачатку 2019 года, нягледзячы на заканчэнне арэнды, пачаў трэніравацца з гродзенцамі, у той час як «Зорка» знялася ў чэмпіянату Украіны ў Першай лізе. У сакавіку 2019 года падпісаў двухгадовы кантракт з «Нёманам»[8]. У сезоне 2019 шмат прапусціў з-за траўм, у першай палове 2020 года быў іграком стартавага складу, пасля стаў пераважна заставацца на лаўцы запасных, гуляў за дубль. У снежні 2020 года па заканчэнні кантракта пакінуў гродзенскі клуб.

«Віцебск»

У сакавіку 2021 года стаў іграком «Віцебска»[9]. У пачатку сезона 2021 часцей выхадзіў на замену, пасля стаў пераважна з’яўляцца ў стартавым складзе. У лютым 2022 года падоўжыў кантракт з віцебскім клубам[10]. Пакінуў «Віцебск» па пагадненні бакоў у ліпені 2022 года[11].

«Арсенал»

У ліпені 2022 года падпісаў кантракт з дзяржынскім «Арсеналам»[12].

Міжнародная кар’ера

Выступаў за юнацкія зборныя да 17 і 19 гадоў. У 2012—2016 гадах з’яўляўся іграком моладзевай зборнай Беларусі.

Дасягненні

• 02 Срэбраны прызёр чэмпіянату Беларусі (2): 2014, 2015
• 03 Бронзавы прызёр чэмпіянату Беларусі (3): 2012, 2013, 2016

Статыстыка выступленняў

Сезон	Дывізіён	Клуб	Краіна	Матчы	Галы
2011	дубль	Дынама		5	2
2012	Д1	Дынама		5	0
2013	Д1	Дынама		4	0
2014	Д1	Дынама		9	1
2015	Д1	Дынама		19	2
2016	Д1	Дынама		19	2
2017 (1)	дубль	Дынама		10	6
2017/18	Д1	Зорка		15	1
2018 (2)	Д1	Нёман		13	1
2019	Д1	Нёман		14	3
2020	Д1	Нёман		19	1
2021	Д1	Віцебск		25	2
2022 (1)	Д1	Віцебск		13	1

Зноскі

1. ↑ Gleb Rassadkin // Transfermarkt — 2000. Праверана 9 кастрычніка 2017.
2. ↑ Gleb Rassadkin // FBref.com
3. ↑ Gleb Rassadkin // As — Madrid: Grupo PRISA, 1967.
4. ↑ Минское «Динамо» рассталось с Рассадкиным
5. ↑ Глеб Рассадкин стал игроком украинской «Зирки»
6. ↑ Рассадкин тренируется с «Торпедо-БелАЗ»
7. ↑ «Неман» арендовал у «Зирки» Рассадкина
8. ↑ Рассадкин подписал двухлетний контракт с “Неманом”
9. ↑ Рассадкин перешел в “Витебск”
10. ↑ “Витебск” продлил контракт со своим нападающим
11. ↑ Глеб Рассадкин и Андрей Лебедев покинули “Витебск”
12. ↑ Глеб Рассадкин перешел в “Арсенал”

Спасылкі

• Профіль на афіцыйным сайце «Нёмана» (руск.)
• Профіль на афіцыйным сайце мінскага «Дынама»

Тэмы гэтай старонкі (18):
Катэгорыя·Нарадзіліся ў 1995 годзе
Катэгорыя·Ігракі ФК Дынама Мінск
Катэгорыя·Вікіпедыя·Артыкулы пра асоб, для якіх не існуюць старонкі віду «І. Іпб. Прозвішча»
Катэгорыя·Вікіпедыя·Артыкулы пра асоб, для якіх не існуюць старонкі віду «І. Прозвішча»
Катэгорыя·Ігракі ФК Зорка Крапыўныцкы
Катэгорыя·Ігракі ФК Нёман Гродна
Катэгорыя·Асобы
Катэгорыя·Артыкулы пра футбалістаў без партрэтаў
Катэгорыя·Нарадзіліся 5 красавіка
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Футбалісты паводле алфавіта
Катэгорыя·Футбалісты Беларусі
Катэгорыя·Ігракі ФК Арсенал Дзяржынск
Катэгорыя·Ігракі ФК Віцебск
Катэгорыя·Спартсмены паводле алфавіта
Катэгорыя·Нарадзіліся ў Мінску
Катэгорыя·Вікіпедыя·Біяграфіі сучаснікаў
Катэгорыя·Вікіпедыя·Артыкулы з пераазначэннем значэння з Вікідадзеных