wd wp Пошук: ⬜

Гладун гладкі

Гладу́н гладкі[3] (Herniaria glabra) — від кветкавых раслін, тыпавы від роду Гладун (Herniaria) сямейства Гваздзіковыя (Caryophyllaceae)[4].

Назва

Гладун гладкі, заячнік, пяшчанка[5], грызнік[3].

Апісанне

Аднагадовая расліна, вышынёй 15—30 см. Цвіце ў чэрвені—ліпені. Расліна зялёная ці жоўта-зялёная з голым лісцем. Сцёблы коратка апушаныя з накіраванымі ўніз валасінкамі. Чашачка голая ці амаль голая. Лісце голае. Кветкі пяцічленныя. Чашалісцікаў, пялёсткаў і тычынак па 5. Слупок малапрыкметны або зусім неразвіты, каробачка голая або ўверсе коратка апушаная.

Распаўсюджанне

Расліна сустракаецца па ўсёй Еўропе, Паўночнай Азіі і Паўночнай Афрыцы. Ва Украіне расце на адкрытых месцах, палянах, ля дарог, як пустазелле.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
1 2 Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 64. — 160 с. — 2 350 экз.
↑ Herniarin on www.liberherbarum.com
↑ Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. — Горы-Горки, 1927.

Літаратура

Мазан І. П. Гладун // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз. — С. 67.

Спасылкі

Грыжник голый — Herniaria glabra: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Остудник голий (Herniaria glabra L.) // Аграрна енциклопедія(укр.)