wd wp Пошук: ⬜

Гарошак танкалісты

Гаро́шак танкалісты[3][4] (Vicia tenuifolia) — від кветкавых раслін роду Гарошак (Vicia) сямейства Бабовыя (Fabaceae).

Апісанне

Шматгадовая травяністая расліна 80—200 (100—150[4]) см даўжынёй. Сцябло прамое, рабрыстае, слаба апушанае. Лісце чаргаванае па даўжыні сцябла, доўгае і складаецца з 10—12[4] (8—12[5]) пар лісточкаў. Вось ліста заканчваецца вусікам. Лісточкі размешчаны ў 2 плоскасцях, арыентаваных пад вострым вуглом адзін да аднаго, суцэльныя, гладкія, з завостранай верхавінкай, апушаныя. Кветкі з пяццю пялёсткамі, ліловага або лілова-сіняга колеру, у пазушных гронках даўжынёй 15—20[5] см. Вяночак 12—15 мм даўжынёй[6]. Кветканосы з гронкай звычайна амаль удвая даўжэй лісця. Плод — лінейна-падоўжаны струк.

Распаўсюджанне і экалогія

Распаўсюджаны ў большай частцы Еўропы, у Азіі і Паўночнай Афрыцы (Алжыр, Марока)[7][6][8]. Святлолюбівая расліна, ксерафіт, мезафіт, мезатроф [9].

Расце на сухіх лугах, стэпавых схілах, у зарасніках — у лесастэпе і стэпе, на ўзлесках і палянах, камяністых россыпах, каля дарог.

Ахоўваецца на тэрыторыі Латвіі, Эстоніі, Валынскай вобласці Украіны, Калужскай вобласці Расіі [9].

Гаспадарчае значэнне

Гарошак танкалісты перспектыўны ў якасці кармавой расліны ў рэгіёнах з недастатковым увільгатненнем і якасцю глебы [5]. Па кармавой якасці не саступае люцэрне [5].

Сінонімы

Паводле сайта The Plant List

Cracca tenuifolia (Roth) Gren. & Godr.
Cracca tenuifolia (Roth) Godr. & Gren.
Vicia antiqua Grossh.
Vicia boissieri Freyn
Vicia brachytropis Kar. & Kir.
Vicia cracca subsp. tenuifolia (Roth) Gaudin
Vicia cracca var. tenuifolia (Roth) Beck
Vicia cracca (Roth) Bonnier & Layens
Vicia tenuifolia subsp. boissieri (Freyn) Radzhi
Vicia tenuifolia subsp. tenuifolia

Галерэя

Агульны выгляд расліны
Сцябло з прылісткамі
Ліст з лісточкамі
Суквецце
Кветка

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Киселевский А. И. Латино-русско-белорусский ботанический словарь. — Минск: «Наука и техника», 1967. — С. 141. — 160 с. — 2 350 экз.
1 2 3 Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз.
1 2 3 4 Агроэкологический атлас России и сопредельных стран: экономически значимые растения, их болезни, вредители и сорные растения (руск.)
1 2 Plants of the World online. (англ.)
↑ The Euro+Med PlantBase. (англ.)
↑ U.S. National Plant Germplasm System. (англ.)
1 2 Горошек тонколистный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

Сауткіна Т. А., Кухарава Л. В. Гарошак // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз. — С. 567—568.
Губанов И. А., Киселёва К. В., Новиков В. С., Тихомиров В. Н. 844. Vicia tenuifolia Roth — Горошек тонколистный // Иллюстрированный определитель растений Средней России. В 3-х томах. — М.: Т-во научных изданий КМК, Ин-т технологических исследований, 2003. — Т. 2. Покрытосеменные (двудольные: раздельнолепестные). — С. 487. — ISBN 9-87317-128-9.

Спасылкі

Горошек тонколистный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Vicia tenuifolia Roth (Горошек тонколистный) // ИАС «ООПТ России»(руск.)
Дикие родичи культурных растений. Vicia tenuifolia Roth — Вика тонколистная (горошек тонколистный). // Агроэкологический атлас России и сопредельных стран: экономически значимые растения, их болезни, вредители и сорные растения (руск.)