Вязавік, птэле́я[3][4], вязовік[3], скуранка[3] (Ptelea) — род кветкавых раслін у складзе сямейства Рутавыя (Rutaceae).
Навуковая назва Ptelea была ўпершыню ўжыта ў адносінах да гэтай расліны Карлам Лінея ў 1735 годзе ў кнізе Systema naturae. Яна ўтворана ад стар.-грэч.: πτελέα — назвы вяза, які гэта расліна нагадвае крылатымі пладамі.
Птэлеі — негалінаваныя лістападныя кусты або невялікія дрэвы. Лісце з моцным пахам, залозістае, чарговае, на хвосціках, падзеленае на 3-5 амаль сядзячых лісточкаў.
Суквецці мяцёлкавыя, размяшчаюцца на канцах галінак і ў пазухах верхняга лісця. Кветкі зелянява-белыя, звычайна аднаполыя, распускаюцца адначасова са з’яўленнем лісця. Чашачка складаецца з 4—6 чашалісцікаў, неўзабаве ападае. Вяночак з 4—6 пялёсткаў, кожны з якіх эліптычнай або яйкападобнай формы, па краі апушаны з вонкавага боку. Тычынкі супратыўныя па адносінах да пялёсткаў, бялёсыя, з эліптычнымі або даўгавата-зваротнаяйкападобнымі пылавікамі, у жаночых кветках недаразвітыя. Песцікі з 2—3-лопасцевым лычыкам, у мужчынскіх кветках звычайна без лычыка. Завязь 2-3-гнёздавая, з 2 семязачаткамі ў кожным гняздзе.
Плод — крылатка, тры насеніны акружаны з усіх бакоў сеткаватым крылом, даўгаватыя.
Птэлеі распаўсюджаныя ў Паўночнай Амерыцы. Ptelea crenulata вядомая толькі з Каліфорніі, Ptelea aptera — з Ніжняй Каліфорніі.
{{Табліца122221
| яшчэ 8 сямействаў (APG III) | яшчэ больш 100 родаў | ||||||||||||||
| парадак Сапіндакветныя | падсямейства Toddalioideae | ||||||||||||||
| ад 3 відаў | |||||||||||||||
| аддзелКветкавыя, ці Пакрытанасенныя | сямейства Рутавыя | род Птэлея |
|||||||||||||
| яшчэ 58 парадкаў кветкавых раслін (APG III, 2009) | яшчэ 4 падсямейства | ||||||||||||||