wd wp Пошук:
    ⬜

    Баварская народная партыя

    Баварская народная партыя (ням.: Bayerische Volkspartei; BVP) — кансерватыўная каталіцкая партыя, самая ўплывовая палітычная сіла Баварыі ў перыяд Веймарскай рэспублікі. Выказвала інтарэсы сялянства і ў цэлым сельскіх жыхароў, сярэдняй буржуазіі і часткі прамысловых колаў.

    Гісторыя

    Баварская народная партыя была створана на базе баварскага аддзялення каталіцкай Партыі Цэнтра 12 лістапада 1918 года ў Рэгенсбургу Георгам Геймам (кіраўнік баварскага каталіцкага сялянскага руху) і Генрыхам Гельдам (лідар фракцыі цэнтрыстаў ў баварскім парламенце). З 1919 па 1933 гады Баварская народная партыя была самай уплывовай палітычнай сілай у Баварыі, нязменна ўваходзячы ва ўсе правінцыйныя ўрады. Яе прадстаўнікі тройчы станавіліся прэм’ер-міністрамі Баварыі:

    У 1929—1933 старшынёй партыі (але не лідарам) быў Фрыц Шэфер.

    У першых у веймарскай Германіі федэральных выбарах 19 студзеня 1919 года Баварская народная партыя ўдзельнічала разам з Партыяй Цэнтра, сфармаваўшы ў Нацыянальным сходзе адзіную дэпутацкую групу. Пазней адносіны партый пагоршыліся і яны нярэдка канкуравалі адзін з адным на выбарах. Так, на прэзідэнцкіх выбарах 1925 года ў першым туры абедзве партыі вылучылі сваіх кандыдатаў (кандыдат БНП Г. Гельд набраў 3,75 % галасоў), а ў другім туры Баварская народная партыя ўвайшла ў «Імперскі блок», які падтрымаў Паўля фон Гіндэнбурга, а Партыя Цэнтра стала адным з заснавальнікаў «Народнага блока», які высунуў Вільгельма Маркса. Толькі ў 1927 годзе абедзве каталіцкія партыі зноў пачалі збліжацца.

    На федэральных выбарах у перыяд з 1920 па 1932 гады Баварская народная партыя атрымлівала ад 31,6 да 39,4 % галасоў баварскіх выбаршчыкаў, што забяспечвала партыі ад 3,0 да 4,3 % галасоў ад усіх выбаршчыкаў Германіі. Пасля пачатку Вялікай дэпрэсіі і росту папулярнасці НСДАП на пачатку 1930-х гадоў у адрозненне ад іншых буржуазных партый (напрыклад Нацыянальнай народнай, Народнай і дэмакратаў) Баварская народная змагла пазбегнуць рэзкага падзення папулярнасці, дзякуючы таму, што аснову яе электарату складалі кансерватыўна настроеныя сяляне-каталікі, якія былі менш успрымальныя да нацысцкай прапаганды і адрозніваліся падвышанай лаяльнасцю.

    Пасля захопу ўлады нацысцкай партыяй і пачатку палітыкі гляйхшальтунг, захопу кантролю над грамадскімі і палітычнымі працэсамі ў жыцці дзяржавы і грамадства, Баварская народная партыя была распушчаная 4 ліпеня 1933 года.

    Ідэалогія

    У адрозненне ад агульнагерманскай Партыі Цэнтра баварскія цэнтрысты традыцыйна займалі больш кансерватыўныя пазіцыі, у прыватнасці ў ацэнцы Лістападаўскай рэвалюцыі. Важнай для партыі таксама была абарона інтарэсаў Баварыі, у сувязі з чым рабіўся акцэнт на пабудове федэратыўнай дзяржавы ў Германіі. Хоць у цэлым партыя прызнавала Веймарскую канстытуцыю, у ёй, як і ва ўсіх землях, існавалі антырэспубліканскія настроі, асабліва на правым флангу, што выяўлялася, у прыватнасці, у жаданні часткі членаў партыі адрадзіць манархію (многія баварцы не прымалі звяржэння дынастыі Вітэльсбахаў ў 1918 годзе) і ў спробах выключыць з баварскай палітыкі сацыял-дэмакратаў.

    Пасляваенная Германія

    Пасля Другой сусветнай вайны Баварская народная партыя, у адрозненне ад роднаснай ёй Партыі Цэнтра, не была адноўлена. Яе пераемнікамі можна разглядаць заснаваныя ў 1946 годзе кансерватыўна-каталіцкі Хрысціянска-сацыяльны саюз і кансерватыўна-сепаратысцкую Баварскую партыю.

    Падтрымка партыі на федэральных выбарах і колькасць месцаў у Рэйхстагу

    Колькасць пададзеных галасоў (%)
    Месцаў у Рэйхстагу

    Крыніца: Der Freistaat Bayern Reichstagswahlen 1919—1933(ням.) 

    Падтрымка партыі на зямельных выбарах і колькасць месцаў у Ландтагу

    Колькасць пададзеных галасоў (%)
    Месцаў у Ландтагу

    Крыніца: Der Freistaat Bayern Landtagswahlen 1919—1933(ням.) 

    Вядомыя члены партыі

    З 1919 па 1923 год членам Баварскай народнай партыі быў Генрых Гімлер, пасля адзін з галоўных палітычных і ваенных дзеячаў Трэцяга рэйха.

    Спасылкі

    Тэмы гэтай старонкі (8):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Хрысціянска-дэмакратычныя партыі
    Катэгорыя·Палітычныя партыі Веймарскай рэспублікі
    Катэгорыя·Кансерватыўныя партыі
    Катэгорыя·Палітычныя партыі паводле алфавіта
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96%2C %D1%8F%D0%BA%D1%96%D1%8F %D0%B2%D1%8B%D0%BA%D0%B0%D1%80%D1%8B%D1%81%D1%82%D0%BE%D1%9E%D0%B2%D0%B0%D1%8E%D1%86%D1%8C %D1%87%D0%B0%D1%81%D0%B0%D0%B2%D1%8B%D1%8F %D0%B4%D1%8B%D1%8F%D0%B3%D1%80%D0%B0%D0%BC%D1%8B
    Катэгорыя·Зніклі ў 1933 годзе
    Катэгорыя·Палітычныя партыі, заснаваныя ў 1918 годзе