У Вікіпедыі ёсць артыкулы пра іншых асоб з прозвішчам Маркс.
Вільгельм Маркс (ням.: Wilhelm Marx; 15 студзеня 1863, Кёльн — 5 жніўня 1946, Бон) — нямецкі юрыст і палітык (Германская партыя Цэнтра). У 1923-24 і 1926—1928 гадах займаў пасаду рэйхсканцлера Веймарскай рэспублікі.
У 1925 годзе Вільгельм Маркс быў вылучаны кандыдатам у рейхспрэзідэнты ад Веймарскай кааліцыі (СДПГ, НДП і Германская партыя Цэнтра), але прайграў Паўлю фон Гіндэнбургу. Вільгельм Маркс заўсёды знаходзіўся ў цені іншых палітыкаў: Густава Штрэземана або Фрыдрыха Эберта. Тым не менш у гісторыі Веймарскай рэспублікі ён застаўся адной з цэнтральных палітычных фігур, змагаўся за адзінства дэмакратычнага лагера.