wd wp Пошук: ⬜

Аргентыт

Аргенты́т, сярэбраны бляск[1] — мінерал класа сульфідаў, паліморфная высокатэмпературная (вышэй за 179 °С [2]) мадыфікацыя сульфіда серабра Ag2S. Прымешкі медзі, свінцу, жалеза і інш. Упершыню апісаны ў 1855 [2] годзе.

Крышталізуецца ў кубічнай сінгоніі. Утварае агрэгаты, плёнкі, пражылкі, украпанні. Колер ад свінцова-шэрага да чорнага. Цвёрдасць 2—2,5 па шкале Моаса. Шчыльнасць 7,2—7,4 г/см³. Змяшчае 87,06 % серабра і 12,94 % серы[3]. Раствараецца ў азотнай кіслаце з выдзяленнем серы.

Паходжанне і радовішчы

Даволі рэдкі ў прыродзе мінерал[1]. Сустракаецца ў гідратэрмальных жылах радовішчаў сярэбраных рудаў у Рудных гарах (Германія, Чэхія), у Нарвегіі, ЗША (Невада), Мексіцы, Перу [2].

Зноскі

1 2 Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 1: А — Аршын.
1 2 3 Аргентит // Каталог минералов. Ru(руск.)
↑ Argentite Mineral Data // Mineralogy Database(англ.)

Літаратура

Аргентыт // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 1: А — Аршын. — 552 с. — 10 000 экз. — ISBN 985-11-0036-6 (т. 1), ISBN 985-11-0035-8. — С. 469.
Малая советская энциклопедия / Гл. ред. Б. А. Введенский — 3-е изд. — М.: Советская энциклопедия, 1958. — 250 000 экз. — Т. 1. — С. 498.(руск.)

Спасылкі