Апаясвальны лішай
Апаясвальны (апяразальны) лішай — запаленне нервовых вузлоў (ганглій) і скуры праз заражэнне вірусам вятранкі ў дарослым узросце. Найчасцей здараецца пасля 50 гадоў. У выніку ўскладнення хваробы назіраецца неўралгія, рухальныя парушэнні, зніжэнне адчувальнасці, паніжэнне вастрынні зроку, пагаршэнне слыху і бактэрыяльнае заражэнне (стрэптакок, стафілакок).
Папярэджанне
Хвароба прадухіляецца праз штодзённыя шпацыры на свежым паветры, устойлівы расклад харчавання, штодзённае ўжыванне кісламалочных вырабаў, белага мяса, рыбы (ласось і селядзец) і алею (аліўкавага). Таксама ў харчаванні маюць прысутнічаць арэхі, бабовыя, брокалі, гарбуз, кабачкі, морква, зяленіва, цытрусавыя і зялёная гарбата.
Прычыны
Запаленню спрыяе аслаблены імунітэт, стрэс, цялеснае раненне, пераахаладжэнне, гарманальная і прамянёвая тэрапія, хіміятэрапія пры раку крыві.
Праявы
Хвароба пачынаецца з моцнага, калючага болю ў спіне, паясніцы(англ.) бел. або ў вобласці рэбраў. Адзначаецца слабасць і млоснасць. Затым на скуры ўзнікаюць невыразныя ружаватыя плямы. Праз суткі на іх месцы з’яўляюцца вадзяністыя пухіры, якія паступова падсыхаюць і ўтвараюць скарынкі. Пры пашырэнні заражэння на трайчасты нерв высыпанні ўзнікаюць на твары, слізістай абалонцы носа і вочным яблыку. Пры распаўсюдзе заражэння на вушы ружаватыя плямы ўзнікаюць на вушной ракавіне і вакол яе, у вонкавым слыхавым праходзе(англ.) бел.[3].
| Першы | Другі | Пяты | Шосты |
|---|---|---|---|
 |
 |
 |
 |
Зноскі
- ↑ Disease Ontology — 2016. Праверана 15 мая 2019.
- ↑ Monarch Disease Ontology release 2018-06-29sonu — 2018-06-29 — 2018. Праверана 28 ліпеня 2018.
- ↑ Вольга Кулінковіч. Апаясвальны лішай // Краіна здароўя. — 9 лютага 2011. — № 7 (243). — С. 3.
Спасылкі
На Вікісховішчы ёсць медыяфайлы па тэме Апаясвальны лішай
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вірусныя інфекцыі
Катэгорыя·Захворванні скуры і яе прыдаткаў
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Захворванні паводле алфавіта