Запрос «Гарбуз» перасылаецца сюды; гл. таксама іншыя значэнні.
Гарбуз[3] (Cucurbita) — род травяністых раслін сямейства Гарбузовыя (Cucurbitaceae).
Адна- і шматгадовыя травяністыя расліны. Сцёблы доўгія. Лісце буйнае. Плод — гарбузіна — шматнасенная (несапраўдная) ягада. Насенне багатае алеем і бялкамі.
Радзіма — Цэнтральная Амерыка. Вядома 13 культурных відаў, якія вырошчваюць на розных кантынентах. На Беларусі культывуюць гарбуз звычайны, або цвердакоры (Cucurbita pepo), і яго разнавіднасці — кабачкі, патысоны, таксама гарбуз буйнаплодны, або гіганцкі, або вялікі (Cucurbita maxima) і гарбуз мускатны (Cucurbita moschata).
Харчовыя, кармавыя, алейныя і дэкаратыўныя расліны. Плады вараць, пякуць, выкарыстоўваюць на кандытарскія вырабы. З насення вырабляюць алей[4].