wd wp Пошук: ⬜

Аляксей Мікалаевіч Смірноў

У Вікіпедыі ёсць артыкулы пра іншых асоб з прозвішчам Смірноў. Аляксей Мікалаевіч Смірно́ў[1] (руск.: Алексей Николаевич Смирнов; 17 снежня 1938 — 18 сакавіка 2006 [2]) — вучоны ў галіне інфарматыкі і тэхнічнай кібернетыкі, доктар тэхнічных навук (1987), прафесар (1989).

Біяграфія

Нарадзіўся ў горадзе Маршанск (Тамбоўская вобласць Расіі). У 1961 годзе скончыў Разанскі радыётэхнічны інстытут, у 1966 годзе — Ленінградскі політэхнічны інстытут. З 1969 года працаваў у Мінскім радыётэхнічным інстытуце. У 1987 годзе абараніў кандыдацкую дысертацыю ў Леніградскім электратэхнічным інстытуце [3]. З 1996 года займаў пасаду загадчыка кафедры ў Інстытуце сучасных ведаў.

Навуковая дзейнасць

Аўтар навуковых прац па аўтаматызаваных сістэмах кіравання якасцю вырабаў мікраэлектронікі. Распрацаваў метады аператыўнага вызначэння ўзроўню надзейнасці і паскораных выпрабаванняў вырабаў мікраэлектронікі ва ўмовах вытворчасці[1].

Сярод апублікаванага:

Прогнозирование качества систем. — Мн.: Наука и техника, 1976. (разам з У. А. Прахарэнкам);
Проектирование технических систем диагностирования. — Мн., 1982 (разам з Л. П. Глазуновым);
Учёт безотказности микроэлектронной аппаратуры на этапе производства. — Мн., 1989 (разам з І. Я. Ліцвінскім і . А. Прахарэнкам).

Зноскі

1 2 БелЭн, 2002
↑ Смірноў Аляксей Мікалаевіч на сайце анлайн-энцыклапедыі «Беларусь у асобах і падзеях»
↑ Кафедра информационных технологий автоматизированных систем. История кафедры. (руск.) // Сайт БДУІР

Літаратура

Смірноў Аляксей Мікалаевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 56. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.

Спасылкі

Смірноў Аляксей Мікалаевіч на сайце анлайн-энцыклапедыі «Беларусь у асобах і падзеях»