Тэхнічная кібернетыка — галіна навукі, якая вывучае тэхнічныя сістэмы кіравання. Важнейшыя напрамкі даследаванняў — распрацоўка і стварэнне аўтаматычных і аўтаматызаваных сістэм кіравання, а таксама аўтаматычных прылад і комплексаў для перадачы, перапрацоўкі і захоўвання інфармацыі. Адзін з найважнейшых яе напрамкаў — распрацоўка і стварэнне розных аўтаматычных прылад: тэхналагічных (напрыклад, станкоў-аўтаматаў, аўтаматычных рэгулятараў і інш.), вымяральных (аўтаматычных датчыкаў, рэгістратараў, вымяральных комплексаў), інфармацыйных (вылічальных і кіруючых машын).